كل يوم ياسين بقى ياخدها معاه حفلات واجتماعات على انها حبيبته. بقى يشوفها وهي بتتعامل مع الناس ببساطة وجدعنة. مرة سواق الشركة تعب وهي اللي جريت جابتله دوا وقعدت جنبه. مرة عاملة النضافة عيطت عشان ابنها عيان وليان ادتها كل الفلوس اللي في شنطتها. ياسين كان بيراقبها ومستغرب ازاي بنت فقيرة وبتساعد غيرها وهو غني ومبيساعدش حد. بدأ يحب قعدتها. بقى يستناها الصبح بالقهوة اللي هي بتحبها. بقى يسمعها وهي بتحكي عن امها ريم وعن حلمها تفتح مشروع خياطة صغير لامها. ليان كمان بدأت تشوف ياسين التاني.
الولد اللي ابوه مـ,ـات وهو صغير وامه سابته وسافرت وجدو رباه بقسوة عشان يبقى راجل. عرفت ان غروره ده قناع بيخبي بيه وجعه. في يوم عيد ميلاد ليان ياسين عملها مفاجأة. زين الشركة كلها ورد وجابلها تورتة. ليان عيطت لان محدش افتكر عيد ميلادها من يوم ما ابوها مـ,ـات. قالتله انت ازاي عرفت. قالها من ملفك يا غبية. حضنها اول حضن حقيقي مش تمثيل. ليان حست قلبها بيدق جامد. ومن ساعتها بقت تستنى نظراته. بقت تاخد بالها من لبسها عشانه. وهو بقى يغير عليها من اي حد يكلمها في الشركة.
مرة سيف حاول يتقرب منها وقالها انتي خسارتك مع ياسين ده مغرور انا اقدر اخليكي ملكة. ليان صدته وقالتله ياسين برقبتك ورقبة عشرة زيك. ياسين سمعها وطار من الفرحة. بعدها بأسبوع جده خف وطلب يشوفهم في الفيلا. قالهم انا فرحان بيكم وقررت اكتب الشركة باسم ياسين نهائي واعمل فرح كبير ليكم الاسبوع الجاي. ليان اتصدمت وبصت لياسين. ياسين كان فرحان بس شايف الخوف في عنيها. روحوا سوا. في العربية ليان قالتله خلاص المسرحية خلصت. انت خدت اللي انت عاوزه وانا خدت الفلوس. لازم ننهي الموضوع. ياسين سكت وقالها وانتي عاوزة تنهيه بجد. قالتله اه. قالها طب افرضي انا مش عاوز انهيه.
ليان قالتله يعني ايه. قالها يعني انا حبيتك بجد يا ليان. مش تمثيل. اول مرة في حياتي احب حد بجد. انتي خليتيني بني ادم كويس. قعدت تعيط وقالتله انت بتضحك عليا تاني. هو ساق بسرعة ووقف عند الكورنيش وقالها بصي في عنيا وانتي هتعرفي اني مش بكدب. ليان كانت عاوزة تصدق بس خايفة. في نفس اليوم وهي بترتب مكتبه لقت ظرف مرمي. فتحته لقت فيه ورق الاتفاق اللي مضته اول يوم وصورة ليها وهي بتاخد الفلوس من خزنة الشركة وكان ياسين مصورها. وفوق الورق نوت بخط ياسين كاتب فيها خطة ازاي يخليها تحبه عشان جدو يصدق اكتر.
ليان حست ان الدنيا بتلف بيها. كل ده كان خدعة. حتى الحب كان جزء من الخطة. افتكرت كل كلمة حلوة قالها وكل نظرة وكل حضن وكل حاجة طلعت كدب في كدب. جريت على بيتهم وهي منهارة. ريم شافتها وقالت مالك يا بنتي. حكتلها كل حاجة وهي بتعيط وبتترعش. قالت لها يا ماما انا حبيته بجد وهو كان بيخدعني. انا كنت فاكرة اني قوية ومحدش يقدر يكسرني بس هو كسرني. ريم حضنتها وقالت لها معلش يا بنتي الرجالة الاغنيا دول ميعرفوش يحبوا. هما يعرفوا يشتروا بس. وانتي قلبك اغلى من كنوز الدنيا.
تاني يوم ليان مقدمتش استقالتها راحت الشركة ورمت الفلوس والورق في وش ياسين قدام كل الموظفينوقالتله يا استاذ ياسين انت علمتني درس عمري ما هنساه ان الفقير ممكن يبقى اغنى من الغني بكرامته وانا كرامتي متتشراش بفلوسك. انا كنت فاكراك اتغيرت بس طلعت زي ما انت مغرور واناني وبتدوس على الناس عشان مصلحتك. انا بكرهك وبكره اليوم اللي شفتك فيه. وخرجت والناس كلها بتبص ومذهولة. ياسين اتصدم ووقف متنح. سيف كان واقف وبيضحك ويقول وقعت يا ياسين. ياسين جري وراها بس هي ركبت تاكسي ومشيت. قعد اسبوع مش بيروح الشركة. قفل على نفسه في شقته ومش بيرد على حد.
عرف ساعتها انه خسر اهم حاجة في حياته مش الشركة. خسر البنت اللي خلته يحس انه انسان. راح لامها ريم. ريم قابلته بقسوة قالتله انت وجعت بنتي اللي مفيش اطيب منها. قالها والله انا بحبها بجد الورق ده كنت كاتبه اول يوم قبل ما اعرفها. كنت مغفل وفاكر كل حاجة لعبة بس هي غيرتني. انا مستعد اكتب الشركة كلها باسمها لو ترجعلي. انا مستعد ابقى فقير زيها بس تبقى معايا. ريم شافت الصدق في عنيه والدموع اللي اول مرة تنزل من شاب مغرور زي ده. قالتله لو بتحبها بجد اثبتلها مش بالكلام بالفعل.
ياسين راح باع عربيته الغالية وساعته الرولكس وراح اجر محل صغير في شبرا وكتب عليه اتيليه ريم للخياطة وجاب مكن خياطة جديد واقمشة غالية. وراح لجدو وقاله الحقيقة كلها انه كان بيمثل وان ليان مظلومة وانه بيحبها بجد ومش عاوز الشركة لو مش هتبقى معاه. جده رغم تعبه قاله انت كده بقيت راجل بجد يا ياسين. الحب بيخلي الواحد يتنازل عن غروره وانا فخور بيك. ياسين راح تحت بيت ليان ومعاه بوكيه ورد بلدي مش غالي ووقف ينده عليها زي المجانين في الحارة. الناس اتلمت. ليان طلعت البلكونة وقالتله امشي يا ياسين. قالها مش همشي غير وانتي معايا.
انا سيبت الشركة وجبت لمامتك المحل اللي بتحلم بيه. انا عرفت ان الحب مش تمثيل يا ليان. الحب انك تخافي على حد اكتر ما بتخافي على نفسك. انا كنت مغرور وكنت بذلك عشان كنت فاكر ان الفلوس بتحمي الواحد بس انتي علمتيني ان اللي بيحمي الواحد هو حضن حد بيحبه بجد. ليان نزلت وهي بتعيط. ضـ,ـربته في صدره وقالتله وجعتني اوي يا ياسين. قالها واوجعك تاني لو بعدتي عني. حضنها وسط زغاريط الستات في الحارة. ريم كانت بتعيط من الفرحة والجيران بيزغرطوا. ياسين باس راس ريم وقالها سامحيني يا امي.
بعد شهر عملوا فرح بسيط في الحارة مش في اوتيل خمس نجوم. ياسين لبس بدلة بسيطة وليان لبست فستان ابيض بسيط امها اللي مخيطاه بايدها وكان احلى فستان في الدنيا. سيف جه بارك لهم بعد ما اتعلم ان الطمع بيضيع كل حاجة وبقى صاحبهم. وجني بعتت رسالة لياسين قالتله مبروك انت اخيرا لقيت الحب الحقيقي وانا كمان لقيت حد يحبني بجد في دبي. ليان وياسين فتحوا شركة صغيرة على قدهم هو بعلاقاته وهي بشطارتها واتفقوا ان مفيش حد فيهم مدير على التاني هما شركا في الشغل وفي الحياة. سموا الشركة ليان ومالك على اسمهم هما الاتنين.
وبليل لما بيخلصوا شغل بيقعدوا في البلكونة بتاعتهم الصغيرة يشربوا شاي ويحكوا قد ايه كانوا بيكرهوا بعض وازاي الكره ده اتحول لحب كبير محدش كان يتوقعه. وياسين بطل غرور وبقى يقولها كل يوم انا مديرك المغرور اللي بيحبك وانتي الموظفة العنيدة اللي خطفتي قلبي. وكانت دي النهاية السعيدة لحكاية مديري المغرور وانا اللي بكرهه. في اول يوم بعد ما اتصالحوا ليان صحيت بدري لقت ياسين مستنيها تحت البيت بتوك توك مش بعربيته الفخمة. قالتله ايه ده. قالها عاوز اعيش زيك واحس باللي بتحسي بيه كل يوم.
ركبوا التوك توك والناس بتضحك عليهم وهو ماسك ايدها وبيضحك من قلبه لاول مرة من غير تصنع. راحوا المحل الجديد وريم كانت هناك بتعيط من الفرحة وهي بتلمس المكن الجديد. ليان حضنت امها وقالت لها خلاص يا ماما تعبك خلص. ياسين قالها يا طنط ريم انتي امي التانية ومن النهاردة محدش هيزعلك تاني. ياسين بدأ ينزل الحارة ويقعد مع الرجالة على القهوة ويسمع مشاكلهم. بقى يساعد ده ويجيب شغل لده. الناس حبته لما شافت تواضعه. ليان كانت بتبصله وهي مش مصدقة ان ده نفس الشخص اللي كان بيزعقلها ويذلها كل يوم في الشركة.
في مرة بالليل قاعدين لوحدهم قالتله فاكر لما كنت بتقولي يا فقيرة يا معفنة. ضحك وقالها كنت غبي يا ليان كنت بشوف الفقر في الفلوس بس انتي علمتيني ان الفقر الحقيقي فقر القلب وانا كنت افقر واحد في الدنيا قبل ما اشوفك. بقت تعيط وتقوله متقولش كده انت احسن واحد في الدنيا دلوقتي. سيف راح لهم المحل في يوم وجاب معاه اوراق الشركة وقال لياسين جدك كتبلك الشركة باسمك خلاص لانه شاف انك اتغيرت وبقيت راجل بجد. ياسين بص لليان وقالها ايه رأيك نرجع الشركة الكبيرة. قالتله لا يا ياسين انا عاوزة نفضل في شركتنا الصغيرة اللي بنيناها سوا بحبنا وتعبنا.
الفلوس الكتير بتبعد الناس عن بعض. هو وافق وقالها اللي تشوفيه يا مديرتي. واتفقوا يخلوا سيف يدير الشركة الكبيرة بمرتب كبير وهم يركزوا في مشروعهم البسيط اللي بيكبر يوم ورا يوم بحب الناس. وكل يوم حبهم بيزيد اكتر واكتر وبيثبتوا ان الحب الحقيقي بيغير القلوب الحجر لقلوب مليانة حنان ورحمة للابد يا رب وبيعيشوا مبسوطين ومرتاحين وسعداء جدا مع بعض للابد
