عن جارته قالت له لا يا حبيبي الكلام ده في بلدكم هنا في القاهرة الجار للجار مش حارس للجار وسابته ودخلت عند مليكة وحكت لها اللي حصل مليكة ما.تت على نفسها من الضحك وقالت له والله الواد ده مجنون رسمي بس منه قالت لها خلي بالك يا مليكة الواد ده شكله واقع لشوشته وانتي مش واخدة بالك قالت لها يقع ايه ده كل شوية يقولي يا بت غطي نفسك ده بيكرهني قالت لها لا يا هبلة اللي يكره واحدة ما يبصش عليها كل شوية كده ده بيغير عليكي ومركز معاكي اوي مليكة سكتت وفكرت في كلام منه وحست ان قلبها دق
حتة صغيرة وعدت الايام والخناقات بقت اقل بس الغيرة بقت اكتر ناصر بقى يعمل حاجات غريبة بقى يجيب طلبات ميادة عشان ما يخليش مليكة تنزل السوبر ماركت بالليل وبقى يزعق لأي حد يبص على مليكة في الشارع مرة كان فيه شاب اسمه ماجد صاحب سوبر ماركت تحت العمارة كان بيحاول يعاكس مليكة كل ما تنزل تشتري حاجة يقول لها ايه القمر ده يا مليكة ناصر شافه مرة وهو بيقول لها كده طلع يجري عليه ومسكه من هدومه وقال له لو بصيت لجارتي تاني هك.سر رقبتك يا ابن الكلب انت فاهم ولا لا ماجد خاف منه جدا وقال له خلاص يا عم
ناصر ما كنتش اعرف انها تبعك قال له اه تبعي واي حد تبعي محدش يبص له مليكة شافت الموقف ده من البلكونة واتصدمت نزلت تجري قالت له انت اتجننت يا ناصر انت بتعمل ايه قال لها بعمل اللي المفروض اي راجل يعمله لما يشوف حد بيعاكس واحدة ست محترمة قالت له وانا قلت لك اني محترمة ولا مش محترمة انت مالك بيا اصلا قال لها عشان انتي تخصيني يا بت قالت له اخصك ازاي يعني قال لها معرفش بس انتي تخصيني وخلاص من يوم ما شفتك وانتي مش بتطلعي من دماغي انا كل ما اشوفك لابسة قصير دمي بيفور مش عشان
بعيب فيكي لا عشان بخاف عليكي وبغير عليكي بجنون وبحس انك بتاعتي انا لوحدي مليكة وقفت متنحة ومش عارفة ترد اول مرة تشوف ناصر بيتكلم بجد من غير اوامر اول مرة تشوف في عينه حب مش تحكم قالت له بتاعتي ازاي يعني انت عايز ايه مني يا ناصر قال لها عايزك تبقي مراتي يا مليكة انا عارف اني صعيدي ودبش وكلامي ناشف بس والله العظيم من يوم ما جيت القاهرة وانتي اللي شاغلة بالي بصحى الصبح ادور عليكي وانا نازل وانا طالع افضل ابص على بلكونتك اشوف نورك والع ولا لا لو سمعت صوتك بتضحكي بفرح ولو سمعتك بتعيطي قلبي بيتقطع
انا عمري ما حبيت حد قدك انتي اول واحدة تخليني احس اني عايز ابقى احسن عشانها مليكة عيطت وقالت له انت عارف انا ايه انا بنت متحررة وبحب البس اللي انا عايزاه وبحب اخرج وادخل براحتي ومش هبقى الست اللي تقعد في البيت وتسمع الكلام وخلاص قال لها وانا عمري ما طلبت منك تبقي كده انا حبيتك زي ما انتي بعنادك بلبسك القصير بلسانك الطويل ده انا بس بغير عليكي عشان بحبك مش عشان اتحكم فيكي ولو وافقتي تبقي مراتي هسيبك تعيشي زي ما انتي عايزة بس اعرف ان وراكي راجل يحميكي ويخاف عليكي مليكة سكتت شوية وقالت له اديني فرصة
افكر يا ناصر الموضوع مش سهل انت صعيدي وانا قاهرية وانت دمك حامي وانا دماغي ناشفة هنعمل ايه قال لها فكري براحتك يا بت بس اعرفي انك من النهاردة مراتي حتى لو ما وافقتيش قدام الناس كلها انتي مرات ناصر ولو حد قرب لك هاكله بسناني وعدت اسبوع مليكة ما بتكلمش ناصر خالص وهو هيمو.ت من القلق كل يوم يخبط على ميادة يقول لها يا خالة ميادة مليكة عاملة ايه قالت له سيبها يا ولدي هي بتحبك بس خايفة شوية بكرة ترجع لك وفي يوم مليكة كانت قاعدة لوحدها في البلكونة لابسة فستان قصير كالعادة وشاي بلبن في ايدها شافت ناصر
طالع من العمارة لابس جلابية بيضا وشكله قمر اوي ندهت عليه قالت له يا ناصر قال لها نعم يا بت قالت له اطلع عايزاك طلع جري على فوق قال لها في ايه خير قالت له اقعد عايزة اقول لك حاجة قعد قدامها وهو قلبه بيدق جامد قالت له بص يا ناصر انا فكرت كتير في كلامك وانا منكرش اني حبيتك رغم انك فقري وبتنرفزني كل يوم بس حبيت غيرتك عليا وخوفك عليا وحبيت انك راجل بجد مش زي الشباب الفرافير اللي بشوفهم كل يوم انت راجل يعتمد عليه وانا عايزة راجل زيك في حياتي بس بشرط قال لها اشرطي زي ما
انتي عايزة قالت له تسيبني البس اللي انا عايزاه وتسيبني اشتغل وتسيبني اخرج مع صحابي وتفضل تحبني زي ما انا قال لها موافق بس بشرط انا كمان قالت له ايه قال لها تلبسي اللي انتي عايزاه جوه شقتنا انما بره تلبسي اللي يستر جسمك مش عشان انا بتحكم فيكي لا عشان انتي مراتي وحلالي وجوهرة والجوهرة لازم تتغطى عشان محدش يبص لها قالت له موافقة يا صعيدي بس هلبس قصير برضه في المصيف قال لها في المصيف هلبسك انا بنفسي وهبقى انا اللي واقف جنبك واحرسك قالت له يا لهوي عليك وعلى كلامك وضحكوا هما الاتنين وميادة كانت واقفة في البلكونة
فوق بتسمعهم وبتزغرت من الفرحة ونادت على مسعد جوزها وقالت له تعالى شوف العيال اتصالحوا اخيرا مسعد قال لها سيبيهم يا ميادة دول زي القط والفار بس بيحبوا بعض اوي وبعدها بشهر ناصر جاب اهله من الصعيد وجه اتقدم لمليكة ومليكة وافقت واتخطبوا وعملوا خطوبة كبيرة في العمارة كلها والجيران كلها جت تبارك وماجد بتاع السوبر ماركت جه يبارك وهو مكسوف وناصر خد مليكة من ايدها قدام الناس كلها وقال لها شوفتي يا بت انتي مراتي خلاص قدام الدنيا كلها قالت له ايوه يا صعيدي انا مراتك وانت جوزي ومهما اتخانقنا هتفضل انت الراجل اللي غير حياتي وخلاني احب اكون ست
بجد ليها راجل يغير عليها ويخاف عليها بجنون وعاشوا مع بعض في نفس العمارة بس شالوا الحيطة اللي بين الشقتين وفتحوهم على بعض وبقت شقة كبيرة ليهم هما الاتنين وكل يوم الصبح ناصر يصحى يقول لها يا بت انتي مراتي قومي اعملي لي شاي تقول له يا صعيدي يا نكدي قوم اعمله انت انا مش الخدامة بتاعتك يقول لها ماشي يا مراتي يا قمر هعمله انا بس هتفضلي مراتي غصب عنك وتضحك مليكة وتقول له غصب عني ده ايه ده بمزاجي يا حبيبي انا اللي اخترتك من وسط كل الناس عشان انت الوحيد اللي عرفت تحبني بجد بعنادي وجناني ولبسي وكل
حاجة فيا وتمر الشهور ومليكة تكتشف ان ناصر مش بس جار صعيدي عنيد ده راجل حنين اوي بيصحى بدري يعمل لها الفطار قبل شغلها ويسيب لها ورقة صغيرة مكتوب عليها يا بت انتي مراتي كلي كويس ومليكة اللي كانت بتسهر لوحدها بقت تستنى صوته في المطبخ وهو بيخبط الحلل وميادة تقول لها شايفة يا بت الحب بيعمل ايه بيخلي الصعيدي القوي يبقى خدام لحبيبته ومليكة تضحك وتقول يا طنط ده مجنني بس بحبه ومسعد يقعد مع ناصر على القهوة يقول له يا ولدي الست عايزة كلمة حلوة مش اوامر بس وناصر يتعلم واحدة واحدة يقول لها يا قمر بدل يا بت
واحيانا ينسى ويرجع يقول يا بت انتي مراتي فتضحك هي وتقول له برضه بحبها منك ومنه تقول لها يا بختك لقيتي راجل بجد وماجد بطل يعاكس اي بنت من ساعة العلقة والنهاية كانت بداية عشق كبير لا ينتهي وعاشوا في هنا وسعادة وكل يوم حبهم يكبر اكتر واكتر رغم العناد والغيرة والخناق اللي بيحلي الحياة ويخليها احلى واجمل بكتير جدا ومليكة بقت تقول بفخر انا مرات الصعيدي الجدع ناصر حبيبي للابد يا ناصر
