قلتله أمال كنت بتعمل إيه؟ نزل راسه وقال كنت بساعد حد مين؟ سكت زعقت فيه لأول مرة مين يا كريم؟ عم رجب هو اللي رد أنا بصيتله باستغراب إنت؟ قال أنا أبو صاحبه كريم اتجمدت مكاني أبو صاحبه؟ أيوه ابني اسمه يوسف وهو في المستشفى من شهور كان عنده مشكلة كبيرة في القلب واحتاج عملية اتحركت عيني ناحية كريم فهمت ليه كل مرة كان بيرجع هدومه متبهدلة وليه كان بيخبي فلوسه
لكن اللي ما فهمتوش هو إزاي طفل عنده 13 سنة دخل نفسه في حاجة زي دي؟ عم رجب كمل أنا كنت شغال في المطعم هنا باليومية وباخد فلوس على قد أكلي وشربي ومصاريف علاج ابني كانت فوق طاقتي كريم عرف بالصدفة وفي يوم سألني ليه يوسف مش بيروح المدرسة حاولت أتهرب منه بس الولد فضل يسأل ولما عرف إننا مش قادرين نوفر تمن العلاج قرر يساعد صرخت فيه يساعد إزاي؟
عم رجب بص لكريم وقال كان بيديني جزء من مرتبه في الأول كنت برفض بس هو كان بيحلفلي إنه فلوسه ومش محتاجها بصيت لكريم قد إيه؟ كريم مسح دموعه وقال كل المرتب اتخنقت كل المرتب؟ قال أيوه العجلة كانت حجة بس كنت كل ما ماما تسألني أقولها قربت أجيبها كنت خايف لو عرفتي تمنعيني قلتله وأنا بحاول أتماسك وإنت ليه ما طلبتش مني تساعدي الولد؟ رد بسرعة عشان إنتي أصلا بتتعبي طول اليوم
وأنا عارف إن بابا مات وساب علينا ديون أنا مش عايز أبقى حمل زيادة عليكي الجملة دي كسرتني حضنته وأنا بعيط وقلتله يا حبيبي إنت ابني مش لازم تشيل الدنيا فوق كتافك لكن قبل ما أكمل كلامي صاحب المطعم قرب وقال بس في حاجة تانية لازم تعرفيها بصيتله إيه؟ قال كريم ما كانش بيدي كل فلوسه لعم رجب وخلاص كان بيعمل حاجة أخطر بصيت لكريم إيه؟ سكت وصاحب المطعم قال
كان بيحوش جزء من فلوسه عندي عشان يشتري حاجة ليوسف من غير ما أبوه يعرف بصيت للترابيزة الفلوس كانت متقسمة في أكتر من ظرف وفي كل ظرف اسم علاج مواصلات أكل ومبلغ صغير مكتوب عليه يوسف لكن فجأة عم رجب مد إيده للشنطة السودا وقال وفي حاجة لازم تشوفيها بنفسك فتح الشنطة طلّع ورق تقارير ومستندات ناولني واحد منهم وأول ما قرأت اسم المستشفى حسيت إن قلبي وقع لأن التاريخ كان بعد يومين فقط
والعملية كانت محتاجة مبلغ كبير بصيت لكريم إنت كنت بتحوش عشان العملية؟ هز راسه بس أنا ما كنتش عايز حد يعرف قلتله وليه؟ قال عشان كنت فاكر إن لو ساعدت يوسف ربنا هيحفظني أنا وماما سكت لحظة وبعدين قال وماما أنا كنت عايز أجيب العجلة بعد العملية مش قبلها حضنته أكتر وقلت يبقى من النهارده مفيش أسرار بينا لكن قبل ما نمشي دخل راجل لابس جلابية بسيطة للمطعم كان واضح عليه التعب
بص ناحية كريم وقال إنت كريم؟ كريم قرب منه أيوه الراجل مسك إيده وباسها وقال أنا أبو يوسف ابني كان ممكن يموت من غيرك كريم اتوتر وقال أنا ما عملتش حاجة الراجل رد إنت عملت حاجة ناس كبيرة ما تعرفش تعملها وبعدين بصلي وقال ربنا يباركلك فيه في اللحظة دي عرفت إن اللي حصل مش نهاية الحكاية دي كانت بدايتها. المشهد التاني رجعت البيت مع كريم وأنا ساكتة طول الطريق
هو كان فاكر إني زعلانة منه وأنا كنت زعلانة من نفسي وصلنا البيت دخل أوضته وفضل واقف عند الباب وقال ماما بصيلي أنا آسف قربت منه وقلت أنا مش زعلانة عشان ساعدت حد أنا زعلانة إنك حسيت إنك لازم تخبي عني قال كنت خايف تقولي لأ قلتله كنت هقولك ما تديش كل فلوسك لكن كنت هساعدك بطريقة أحسن قعدنا على السرير وفتحت معاه كل الظروف واكتشفت إنه خلال ست شهور كان جمع مبلغ محترم جدا بالنسبة لطفل في سنه
وكان كاتب في ورقة صغيرة كل جنيه دفعه حتى تمن سندوتش كان اشتراه ليوسف سألته إنت كنت بتاكل إيه في الشغل؟ ضحك بإحراج وقال كنت ساعات أقول لصاحب المطعم إني مش جعان بصيتله بصدمة ليه؟ قال عشان أوفر تمن الأكل ساعتها دموعي نزلت قلتله يا كريم الفلوس عمرها ما كانت أهم منك وفي اليوم التالي أخدته وبدأنا نتحرك في موضوع علاج يوسف أنا دفعت جزء من المبلغ وصاحب المطعم دفع جزء
وعم رجب كان بيحاول يعمل أي حاجة حتى أهل المنطقة بدأوا يساعدوا لكن كريم رفض إن حد يعرف إنه صاحب الفكرة وقال مش عايز حد يقول إني عملت حاجة كبيرة أنا بس كنت بعمل اللي أقدر عليه بعد يومين دخل يوسف العملية قعدنا كلنا قدام غرفة العمليات كريم كان ماسك إيدي وبين كل دقيقة والتانية كان يبص للباب لحد ما الدكتور خرج عم رجب قام بسرعة الدكتور ابتسم وقال الحمد لله العملية عدت على خير
