الفصل الثالث رواية قدر الشاهين بقلمي شهد الشورى شاهين ضحك بسخرية وهو مكمل مشي ناحيتها خطواته بطيئة ومحسوبة وهي عمالة ترجع لورا وبتترعش من الخوف لحد ما ظهرها خبط في طرف تسريحة الأوضة رفع إيده فجأة يوهمها إنه هيلمسها فغمضت عينها بصرخة مكتومة بس صدمها لما أخد من وراها تلفونه التاني اللي كان مرمي على التسريحة بص لها بتهكم وهو حابب يرد لها كل الإهانات اللي ياما وجهتها ليه :
ومين قالك اني عاوز المسك ايه كنت اتعميت في نظري ولا حاجة فاكرة نفسك حلوة بزيادة روحي كدة بصي على البنات بره الأول هتلاقي نفسك ولا حاجة جنبهم جزت على سنانها بغضب وغل وما ردتش سابها شاهين ودخل الحمام عشان يستحمى ويغير هدومه وهي ما صدقت إنه اختفى واستغلت الفرصة وهربت برة الأوضة جري….. دخلت أوضة تانية جنب اوضته مستحيل تنام معاه في مكان واحد قعدت على السر,,ـــــير بهدومها وانهارت في العياط من قهرتها
على الناحية التانية خرج شاهين من الحمام وهو بينشف شعره بالفوطة وكان غير بدلته لبيجامة مريحة ولما ملقاهاش في الأوضة ملامحه اتغيرت للغضب وتفكيره راح لبعيد انها ممكن تكون هربت طلع يجري يدور عليها في الفيلا لحد ما أخد باله من باب الأوضة اللي جنبه مفتوح دخل بهمجية وقال بصوت زي الرعد : انتي ايه اللي جابك هنا ؟؟ ردت عليه وهي بتبص له بقرف ومن غير ما تفكر :
اكيد مش هنام معاك في أوضة واحدة بقرف من الزبالة كلمتها ولعت فيه النــ,,ـــــار أكتر فهجم عليها وقبــ,,ـــــض على إيدها بقوة وجرها وراه لبرة الأوضة ونادى على الخدم كلهم بصوت يرعب وقال بصرامة : كل أوض الفيلا تتقفل فوراً والمفاتيح كلها تجيلي هنا مفيش غير أوضتي بس اللي تفضل مفتوحة الخدم نفذوا كلامه في ثواني وهم خايفين من غضبه سحبها شاهين بغل ناحية أوضته ورمى جسمها على السر,,ـــــير بقوة فضلت بصالة بكره ووجع فسابها ودخل غرفة الملابس طلع بعدها معاه بيجامة ورماها في وشها وقال بغضب مكتوم :
قومي خدي شاور وغيري القرف ده لسه كانت هتفتح بقها وتعارض بس هو كان جاب آخره وخلاص طفح بيه الكيل فصرخ فيها بصوت عالي رعبها : قسمًا بالله لو سمعت منك كلمة كمان لأعمل فيكي اللي مرعوبة منه أنا لحد دلوقتي بكلمك بالذوق وصابر عليكي أكتر من كدة إنتي اللي هتندميمسكها من إيدها ودخلها الحمام بالعافية شد الباب عليها فقفلت على نفسها وقعدت جوة عاجزة وما كانش قدامها غير إنها تنفذ كلامه لأن فعلاً ما كانتش مرتاحة بفستان الفرح الثقيل فرحت لما لقت البيجامة بأكمام وطويلة لبستها ولبست عليها طرحتها وخرجت بعد وقت قليل
أول ما خرجت لقيته غرقان في النوم على السر,,ـــــير بصت له بكره وغل مالين قلبها واتسحبت من الأوضة براحة من غير ما تعمل صوت نزلت تحت في الصالة ورمت جسمها المهدود على الكنبة من كتر التعب ونامت ودموعها نازلة على خدها بقهر وهي بتتمنى ان كل اللي عاشته يكون كابوس….. بعد وقت قلق شاهين في نومه مد ايده جنبه ملقهاش قام اتعدل وهو بينادي عليها ولما ملقاش رد نزل يدور عليها في الفيلا لحد ما شافها نايمة على الكنبة بعمق
قرب منها بخطوات بطيئة ولأول مرة نظرات الكره والقسوة اختفت تماماً وحل مكانها حب صافي غالب على كل ملامحه وهي نايمة الطرحة كانت وقعت من على راسها فظهر شعرها لأول مرة قدامه مرر إيده عليه برقة وحذر شديد كأنه خايف يصحيها أو خايف اللحظة تتسرق منه انحنى وقعد على ركبه قصاد الكنبة عشان يبص في وشها براحته والوجع والحزن سيطروا عليه بالكامل كان نفسه تكون ليه ومن نصيبه بجد من غير غصب ولا إجبار كان يتمنى تشوف كل محاولاته عشان يوصل لقلبها وتحس بيه وبصدقه وتعرف إنه عمره ما فكر يخدعها ولا كان بيجري وراها لمجرد انها عجبته وخلاص
بس مع كل قسوتها كان راضي وصابر ومستحمل لحد اليوم اللي كسرته فيه وأهانته قدام الكل شريط الذكريات جاب قدامه مشهد من شهرين فاتوا يوم عيد ميلادها وقتها قرر يهاديها بحاجة مميزة مفيش منها اتنين هو معروف عنه حبه لتصميم المجوهرات كـ هواية بيعشــ,,ـــــقها عمل قطع قبل كده وتباعت بأرقام خيالية فقرر يصمملها إسورة مخصوصة جداً تكون نادرة ومش موجودة عند أي حد في العالم كتب ونقش عليها اسمها وملكيته ليها بطريقة تسلب الأنفاس ” قدر شاهين ”
بعتها ليها لحد بيتها مع بوكيه ورد ورسالة رقيقة بعد ما أشرف على كل تفصيلة فيها بنفسه وبحب وكأن كل جزء في الإسورة مصنوع من حتة من قلبه عشان يوم ميلادها اللي كان بالنسبة له أعظم يوم في السنة كان مستني بفارغ الصبر إنها تعجبها وتيجي تشكره وقلبها يحن عليه أو حتى يلمح بس ابتسامتها لكن اللي حصل كسر كل توقعاتهرواية قدر الشاهين بقلمي شهد الشورى…. جاتله لحد الشركة ودخلت عليه في وسط اجتماع مهم جداً قدام موظفينه كمان ورمت العلبة على مكتبه وصرخت فيه بمنتهى الغضب :
