وتحت الصورة كريم كاتب
مع السلامة يا فاشلة. لما تصحي مش هتلاقي حاجة.
فضلت باصة للشاشة كام ثانية.
كريم كان فاكر إنه خلّص عليّا.
فاكر إنه سابني من غير جوز.
ومن غير فلوس.
ومن غير بيت.
ومن غير شركة.
وفاكر إن كل ده اختفى في ليلة واحدة.
بس هو ماكانش يعرف
إنه هو اللي دخل برجليه في الفخ.
أخدت نفس طويل.
وبعدين كتبتله ٤ كلمات بس
الحسابات اتجمّدت يا كريم.
ماعداش ٧ ثواني
والموبايل رن.
كريم بيتصل.
بصيت للاسم على الشاشة، وابتسمت لأول مرة من أسابيع.
كنت عارفة إن المكالمة دي
مش هتكون زي أي مكالمة بينا قبل كده.
لأن كريم في اللحظة دي
كان لسه هيكتشف إن الفلوس اللي سرقها
ما بقتش تحت سيطرته.
وإن الرحلة اللي كان فاكرها هروب
ممكن تتحول لأكبر غلطة عملها في حياته.
الموبايل فضل بيرن.
مرة.
واتنين.
وتلاتة.
وأنا سايبة كريم يتصل.
لحد ما الرنة وقفت.
بعد ثواني، وصلتني رسالة
نادين، ردي عليا فورًا.
ما رديتش.
رسالة تانية
إنتي عملتي إيه؟
ابتسمت.
لأول مرة من شهور، السؤال ده كان في صالحّي.
بعدها بدقيقة، الموبايل رن تاني.
المرة دي رديت.
ألو؟
صوته كان متغير.
مش صوت الراجل اللي باسني على جبيني من ساعتين.
ولا صوت الزوج اللي كان فاكر إنه أذكى واحد في الدنيا.
كان صوت واحد بدأ يحس إن الأرض بتتحرك من تحته.
إنتي جمّدتي الحسابات؟
آه.
سكت.
وبعدين قال
إنتي مچنونة؟!
ضحكت بهدوء.
لا يا كريم.
إنتي عارفة إنك كده بتعطلي الشركة؟
الشركة؟
قلت الكلمة وأنا بضحك.
الشركة اللي كنت ناوي تسرقها وتهرب بيها؟
أنا ما سرقتش حاجة!
فعلًا؟
فتحت اللابتوب اللي كان جنبي.
طب تحب أقولك رقم التحويل اللي عملته يوم ١٤ الشهر اللي فات؟
سكت.
ولا أقولك اسم الشركة الوهمية اللي حولتلها ٣ مليون و٤٠٠ ألف جنيه؟
صمته طال.
ولا تحب أقولك اسم صاحبة الحساب اللي استقبلت المبلغ؟
صوته نزل
نادين
سارة منصور؟
ما ردش.
فقلت
أنا مش محتاجة منك اعتراف يا كريم.
أمال عايزة إيه؟
ولا حاجة.
وقفلّت المكالمة.
لكن قبل ما أحط الموبايل على الترابيزة
وصلتني رسالة من المحامي.
نادين، لازم تيجي الشركة فورًا.
وفي رسالة تانية
فيه حاجة حصلت وإحنا مش فاهمينها.
لبست بسرعة.
وأول ما وصلت الشركة، لقيت المحامي مستنيني قدام مكتبه.
دخلت.
كان فيه اتنين من أعضاء مجلس الإدارة قاعدين.
وعلى الترابيزة ملف أسود.
المحامي بصلي وقال
إحنا اكتشفنا إن كريم مش لوحده.
قلبي وقف لحظة.
يعني إيه؟
فتح الملف.
وحط قدامي صورة تحويل بنكي.
كل الفلوس اللي اتسحبت من الشركة تقريبًا راحت في اتجاه واحد.
بصيت للأرقام.
وبعدين بصيتله.
سارة؟
هز راسه.
لأ.
قلبت الورقة.
أمال مين؟
قال
شركة أجنبية.
ومين مالكها؟
سكت.
وبعدين قال
اسمها مسجل باسم شخص اسمه…
ودفع الورقة ناحيتي.
قرأت الاسم.
إيدي اتجمدت.
الاسم كان
محمود منصور.
بصيت للمحامي.
مين محمود منصور؟
قال بهدوء
والد سارة.
حسيت إن كل حاجة بدأت تركب.
سارة ماكانتش مجرد عشيقة.
ولا مجرد شريكة في الهروب.
دي كانت جزء من شبكة أكبر.
لكن المفاجأة الحقيقية كانت لسه جاية.
المحامي طلع ورقة تانية.
فيه حاجة أخطر.
إيه؟
حط الورقة قدامي.
كريم حاول من أسبوعين يبيع جزء من أسهم الشركة.
ضحكت من الصدمة.
أسهم الشركة مش باسمه أصلًا.
عارف.
أمال باع إيه؟
قال
الأسهم اللي حاول يبيعها… مش موجودة أصلًا.
بصيتله باستغراب.
يعني إيه؟
يعني حد أنشأ مستندات مزورة بتقول إن عنده نسبة من الشركة.
بدأت أفهم.
كريم ماكانش بيهرب بفلوس بس.
كان بيجهز أوراق مزورة عشان يبيع جزء من الشركة لمستثمرين بره مصر.
ولو الخطة نجحت
كان ممكن نصحى في يوم
الساعة كانت ٢ الفجر، وأنا عاملة نفسي نايمة، وجوزي كان واقف قدام الخزنة بيفرّغها حتة حتة، وهو فاكر إني غرقانة في النوم ومش حاسة بحاجة.
قبل ما يخرج، قرب مني، باسني على جبيني، وهمس وهو بيبتسم
يا حبيبتي يا نادين عمرك ما كنتي تتخيلي اللي أنا هعمله.
استنيت لحد ما سمعت باب الشقة بيتقفل وراه.
ساعتها بس فتحت عيني.
جوزي كان فاكر إنه خدني على خوانة.
بس هو ماكانش يعرف إن اللي حصل ده بالذات
أنا كنت مستنياه من ٣ أسابيع.
كل حاجة بدأت قبلها بكام ساعة، لما كريم دخل أوضتنا وهو ماسك كوباية شاي.
حطها قدامي وقال
شكلك تعبانة أوي. اشربي ده ونامي.
الغريب إن كريم عمره ما عمللي شاي.
ده حتى ماكانش يعرف علبة الشاي فين!
مسكت الكوباية وخدت رَشفة صغيرة.
طعمها كان غريب.
مر شوية مش قوي، بس كفاية يخليني آخد بالي.
ماكانش عندي دليل إن فيه حاجة في الشاي، بس بعد شهور وأنا بلاحظ تحويلات فلوس ملهاش تفسير، وسفريات بيكدب عليّا فيها، ومكالمات أول ما أدخل الأوضة بتتقفل
اتعلمت حاجة مهمة.
