_ مالو واسع اهو _ ولو ديق يا عنيا مش مشكله _ تمام اتفضلي _ لاء انت مجنون رسمي وهصوتلك هنا في المكان وافضحك! حط ايده علي عنيه بعصبيه وكان باين عليه فعلا منمش بقالو يومين وبعدها رفع المسدس قصادي بظبط ان ان اه! _ يعني انتي عايزه اي خليني اروح انام انجزي _…. “بعد فتره” _ علفكره مش رجوله انك تخلي بنت تنام علي الارض _ افصلي _ وبص شمالك عشان اعرف اخد راحتي
_ “يلف في صمت” _ هو م… _ اقسم بالله كلمتين كمان وهضر\ب المسدس ده فينا انا وانتي ونخلص فسكتي _ خلاص سكت ده انت قماص يجدع عدا حوالي نص ساعه كده وهو غرق في النوم، ولانه بيتحرك كتير لف وكان قصادي بظبط، هو الي بيحصل ده حقيقي مش بهيس مثلا ! نايمه علي الارض في اوضه كانت مفروض بتاعتي وقدامي واحد اول مره اشوفه ونايمين في نفس الاوضه! هه وطب والله احلي من مسلسل هندي اسمعته من اسبوع.
الساعه 5 صباحا… صحيت علي صوت دوشه ونور وببص حوليا لقيت قمر بيتكلم احم اول مره اشوف قمر بيتكلم! _ حاضر جي يا فندم :….. _ تمام خلي يستلم مكاني، انا في الطريق، سلام …….. _ “ببتسامه” صحيتي صباح الخير _ صباح الخير! _ اي رئيك في الجاكت ول اغيره _؟؟! _ خلاص متبصيش كده بحاول افك الموقف الي بينا، علفكره شعرك الكرلي حلو اوي “تلمس شعرها بطلقائيه وتنظر له بدهشه فيبتسم ويبعد نظره عنها”
_ انا رايح الشغل، فانتي احجزي اي اوضه وانا هدفع تمنها تمام _…. _ سلام يا قمر لاء وات وات هو قلي قمر! هو ده الي كان بكلمني امباح متاكدين؟!، احم الجاكت الي لبسه قمر وضحكته احلي مني، هو اي ده في اي!، نامي يا حوم نامي الله يخربيتك. الساعه 10 صباحا.. _ لو سمحت كنت عايزه احجز اوضه كمان لمده اسبوعين موظف الاستقبال: انا اسف يا فندم كلو محجوز لاخر الشهر ده، الشهر الجي هيفضي 3 غرف
_ شهر! طيب متعرفش تتصرفلي اي حاجه شالله يخليك يا رب موظف الاستقبال: ده الي متوفر عندي والله يا فندم _ انا انتهيت، يعني اعمل اي دلوقتي! روح يا الي فبالي الهي يجيلك تلبك معوي في صباع رجلك موظف الاستقبال: في حاجه حضرتك _ معكش سك\ينه سلف انتـ,ـحر بيها ورجعهالك تاني موظفالاستقبال:؟؟! العصر…… ايه: اي! ههههه يلهوي همـ,ـوت _ ايه انتي بتضحكي!، ونعمه الصحاب والنخوه اتفوو ايمان : يخراابي طب والله جامد، يخربيت عسله
_ ده صاحي خمسه الصبح ونايم 12 بليل تقوليش زومبي عايش معانا، بنات مينفعش اقعد معاه في اوضه وحده مش ضمناه ايمان: يا شيخه انتي اطولي ده نقيب فهمه يعني اي يعني عز عز _ قصدك وز وز، افصلي لقتـ,ـلك يا بنت…. ايمان: قلنا اي طااا ايه: انتي قوليلو بص يبني الحلال معنديش ولد عازب ينام معايا في نفس الاوضه احنا نتجوز اسبوعين ونطلق بعدها ايوا معلش _ يختي بطه حلوه يختي اي الحلوه دي
ايه: مفيش داعي لشكريني يا اوختشي _ بنات والله ما بهزر الحقوني، طيب بصو خدوني معاكو الاسبوعين دول عبال ما روح ها ايمان: احنا شكلنا اتاخرنا يا ايه الساعه 3 العصر يدوب ايه: ايوا فعلا حطى فرخه من تلات تيام علي ن\ار يدوب اطفي عليها _ “بإحباط” هعيططط! وبعد ما البنات الاندال مشيوا طلعت الاوضه وانا بفكره هعمل اي، هقلو انه الاوض كلها محجوزه ومفيش مكان انام في، طيب اخر فلوس كانت معايا حجزت بيها الاسبوعين دول، حتي البحر مفرحتش بيه انهرده ول استكنيصت زي الناس!، حقيقي مبوره بحظي ربنا يحمي
الساعه 12 مساءا… _ انتي لسه هنا _ بص… هو انا دورت علي اوضه فاضيه احجزها ملقتش فا… اووف لو مش مصدقني انزل اسالهم _ هو انا اتكلمت! _ لتقول عليا اني حبيت اقعد معاك لوحدنا او حاجه واني متفتحه زياده عن اللزوم وبحور وكده _ “بضحكه هادئه” ههه لا يا يختي اطمني كنت عارف انك مش هتلقي اصلا وبعدين لو انا شايفك كده كنت طردتك من اول يوم شوفتك فيه هنا اصلا
_ قصدك اي بقي ان شاء الله علفكره دى اوضتي وانت الي جيت وطبيت عليا ورفعت عليا السلاح ول.. _ اي اي اهدي! طيب انا جايب اكل تعالي ناكل وبعدها نشوف هنعمل اي تمام _ واكل معاك لي انت هتصحبني! _ خلاص اولعي ده انتي غريبه “يفتح الطعام وتشم الريحه بلهفه وتنظر للاكل بحسره فيفهم ملامحها ويقسمهم نصفين علي السفره دون تحدث” _ احم هو انا جعانه الصراحه فهاكل معاك وهبقي ادفع تمنه اتفقنا
_ وتاكلي معايا لي انتي هتصحبيني! _الله! _ ههه خلاص تعالي روحت عشان كان كريب ومقترتش اقاوم تؤتؤ، روحت عشان ضحكته قمر حصل. _ جيتي اسكندريه لي _ امم عشان بحرها بدوخ _ بدوخ! _ بخليك تحس انك في مكان تاني غير العالم ده، الموج وهو بيخبط في اي حاجه قدامه ويعمل احلي نغمه ممكن تسمعها، دوره مشويه نادره ومشي علي الرمله جمب البحر بليل مع اغاني هاديه، بحر اسكندريه بدوخ!
_ حبيت تشبيهك _”يتوتر” شكرا “يخبط يده الاثنين ببعضهم لتنفيضها من الطعام ويقدم يده لمصافحتها” _ نديم _…. _ اسمي نديم _ احم عرفه وانا رحمه _ تشرفنا جدا _ الشرف ليا _ بصي انا مبجيش غير بليل ونادرا وبجد من غير افوره مبعرفش انام غير علي السرير ده، فانا ممكن اديقك كتير فستحملي بقي عبال ما تمشي، متلمسيش حاجه تخصني و الادراج متفتحهاش و انا كذلك تمام _ دي اوضتي الي حاجزها وانت الضيف هنا يعني اعمل الي انا عايزه حقي
_ تمام الحمد لله اننا متفقين، تصبحي علي خير _ اي ده! _ اه ومتستعمليش البرفان بتاعي من غير ازني تاني تمام _” اي الفضايح دي يا عم انت، مكنوش شويه حطتهم يعني نصها مثلا في سبيل راحتي اي المشكله ، بفكر اسر\قها منه وانا ماشيه ” ولانه مكنش نايم غير ساعات قليله اتقلب ومحسش باي حاجه حوليه وانا بتامله بكل لا مباله، طيب غد البصر يا بت احترمي نفسك مفيش وكانه الجفاف العاطفي الي جويا قرر يغلبني انهرده!
رموشه وحواجبه المرسومه وشعره الاسود الغامق، رغم انه الاوضه ضالمه بس سرسوب الضوء الي جي علي وشه بالغلط ده مخلي جامد اكتر ما هو جامد، لاء انا شكلي هتعب كتير قدام وهذا غير لائق. بعد ثلاث ايام.. _ “ببتسامه وجلوس علي الكرسي بارهاق” صباح الخير _ الساعه 10 الصبح علفكره _ امم عارف انهرده هبدا العصر فاخدت راحتي في نوم دايقتك او حاجه _”تحرك راسها بسلب وتنظر للكتاب ” _ بتقراي اي
_ روايه بحبها _ امم مخرجتيش لي _ مليش نفس، ممكن اخرج العصر مثلا _ طيب متيجي معايا ننزل شويه، انا نادرا ما باخد اجازه الصبح _…. _ صدقيني مش هتندمي _ اممم ثقه في نفس يعني _ لاء غرور، انا مبينزلش معايا اي حد _ يولاه يا جامد _ ههه مبهزرش هتيجي نزلنا من هنا وانا باخد صدم\ات من هنا، يعني مثلا اول ما نزل واحد خده علي احلي مكان في الكافيه كله في الفندق، البوفيه بيقفل 10 بظبط، جبله احلي اكل ول كانه الفندق بتاع ابوه!
_ قلتلك مش هتندمي _ ده انا كنت بقعد هنااااك كده في عز الشمسه والحر ويجبولي عصير ب55 جنيه ولاد المفتريه وشربه علي فترات عشان ميخلصش بسرعه _ ههه انتي مشكله _ لاء بجد قولي، بتاع ابوك صح _ تؤتؤ بتاع جدي _ “بصوت مرتفع” ايوا انا قولت هو شغل واسطات اكيد _ الله يخربيتك اسكتي هتفضحينا! _ طمر فيك السرير الي بنيمك عليه خلاص _ ههه الجلوس امام البحر….
_ هو جدك حجز الاوضه بتاعتك لي _ عشان مش عايز اتجوز _ يسلام، اي السبب الغريب ده _ جدي الي بقيلي في الدنيا دي كلها وعايز يفرح بيا قبل ما يمـ,ـوت وكده فخلصت شغل من اسبوع كده وروحت اقعد معاه فتح المضوع تاني قلتله جدو فكك منى وانسى الكلام ده وانا ورايه شغلي و اوضتي حببتي وشوحت بايدي كده ومش عايز حد تاني خلاص فقلي طيب شغلك ومنقدرش ناخده منك بس شوف هتنام فين بقي بعد كده وبعدها فهمت قصده لما شوفتك
_ ههه اها فهمت، ربنا يخلهولك _ يا رب يختي ويهدي عشان حاسس انى انا الي جده مش هو _….. _ وانتي احكيلي عندك شويه _ امم انا عايشه في القاهره يا سيدي واذا عندك جدك فانا معنديش حد من العيله و الي بيسال عليا وبهتم بيا من فتره لفتره عمو حسن وهو الي قالي هحجزلك اسبوع تفكي وكده وقلي السعر وحبيته وبعدها جيت بقي _ واهلك فين
_ بابا وماما م\اتو في حاد\ثه وانا صغيره وروحت ملجأ وعمو حسن كان بيجي بين فتره وفتره يشوفني ويسال عليا وبعد كده لما كملت 18 سنه خدت شقه ايجار واشتغلت في مصنع عمه عشان ادفع تمن الايجار وقتها وبعدها خدت معاش بابا وماما ومعدش في داعي اشتغل ونضفت بيتنا القديم وعشت فيه، بس كده _ وفين قرايبك وقتها _ ماما وبابا مكنوش من هنا، انتي مش شيفني امريكيا يلا في نفسي ازاي هو اللغه بس الي ضر\به معايا سيكا
_ ههه، رغم الي حصلك قادره تتهزري _ ديما ببص علي الحلو، وعدت بمراحل كتير عشان اوصل لهنا والمرحله الي ريحتني بجد لما سلمت همومي كلها لربنا!
