ريم.. ان شاء ربنا هيظهر الحق قريب.. متيأسيش ياشيماء واوعي تستسلمي.. عافري للنهاية
شيماء.. انا مش عارفة مدحت عمل فيا ليه كده ؟!! ده انا كنت بحبه اكتر من اي حد في الدنيا وهو كمان كان بيحبني جداا.. ازاي هونت عليه.. ازاي ؟!!
ريم.. مدحت ده انسان مريض علي فكرة وبيتظاهر انه ملاك وهو شيطان رجيم وانا واثقة من كلامي ده كويس.. المهم مش عاوزاكي تضعفي ابدا مهما كانت الظروف.. وان شاءالله الحقيقة هتظهر والناس كلها هتعرف انك اشرف واطهر انسانه في الدنيا
شيماء،.. نفسي ده يحصل بجد
ريم..
هيحصل وقريب جداا ان شاء الله وهتقولي ريم قالتها.. علي فكرة انا اجازتي خلصت ولازم اسافر الامارات ومش عاوزة اسيبك وانتي في الحالة دي شيماء.. لا طبعا لازم تسافري.. ده شغلك وكمان مش هينفع تسيبي ابنك وجوزك هناك لوحدك..
سافري يا ريم وكتر الف خيرك في وقفتك جنبي طول الفترة اللي فاتت.. متقلقيش عليا
ريم.. طيب انا هكلمك كل يوم.. خلي بالك من نفسك
شيماء.. وانتي كمان خلي بالك من نفسك
ثم تح.ضنها بكل حب
ريم بدموع.. اشوف وشك بخير
شيماء.. مع السلامة يا ريم
وتنصرف ريم ويبدوا عليها الاسي والحزن الشديد وبعد دقيقة بالضبط يرن المحمول علي شيماء من شخص مجهول
شيماء.. الو
المجهول بسخرية.. ايه ودعتك الحية خلاص ؟!!
شيماء.. مين بيتكلم ؟!!
المجهول.. مش مهم تعرفي انا مين.. لكن اللي عايزك تعرفيه ان الحية اللي كانت معاكي من دقيقة دي دليل برائتك جوة بطنها
شيماء.. انت بتتكلم عن مين ودليل برأتي ايه اللي جوة بطنها ؟!
المجهول.. بتكلم عن صحبتك ريم قصدي اللي عاملة فيها صحبتك.. وهي في الاصل افعي سامه ملفوفه حوالين رقبتك وعاوزة تخنقك ودليل برأتك اللي انتي بتدوري عليه معاها وجواها يا بنت البنوت
شيماء.. انا مش فاهمه حاجة !! انت مين يا جدع انت ؟!
المجهول..
انا اللي يقدر يدلك علي الحقيقة اللي انتي بتدوري عليها بس للأسف ماليش في الخير وكل حاجة عندي وليها تمن واللي انتي بتدوري عليه يساوي ربع مليون جنيه جهزيهم ورني عليا بس ياريت بسرعة قبل ما تسافر ريم صحبتك ويسافر معاها دليل برأتك للأبد.. سلام
ثم يغلق ورد فعل علي وجه شيماء رواية بنت بنوت الفصل السابع ريم حزمت حقيبة السفر وتستعد لمغادرة المنزل ويحادثها اخوها جمال في المحمول حيث ينتظرها بالاسفل لتوصيلها الي المطار
ريم.. ايوه يا جمال اديني نازلة اهوه
جمال.. بقالك ساعة بتقوليلي نازلة !! شهلي شوية عشان ميعاد الطيارة
ريم.. اوك.. سلام
وبعد ان تغلق الخط تنظر في مرأة التسريحة ثم تستدير ناحية السرير وتقول ريم.. هتوحشني
ينهض مدحت زوج شيماء من السرير ويرتدي فانلة وبنطال ويتوجه نوحها ويمسك بكلتا يديها ويقبلهم قائلا
مدحت.. انتي اللي هتوحشيني
ريم.. بجد هوحشك ؟!!
مدحت.. عندك شك في ده ؟!
ريم.. بصراحة اه !! مش هتصدقني لو قولتلك اني عايشة معاك اليومين وانا مرعوبة منك
مدحت.. مرعوبة مني انا !! ليه ؟!
ريم.. خايفة تغدر بيا زي ما عملت مع شيماء !! انت بياع اوي يا مدحت وعندك استعداد تضحي بأقرب الناس ليك
مدحت.. هههههه.. مش اوي وكده.. وبعدين ما انتي كمان خدعتي اقرب الناس ليكي..جوزك اللي انتي بتخونيه معايا وصحبتك شيماء.. عزيزتي ريم يؤسفني اقولك ان احنا الاتنين اوسخ من بعض !!
ثم يستدير ويشعل سيجارة
ريم بغضب.. انا ان كنت خنت جوزي ف ده عشان حبيتك يا مدحت وبعدين انت عارف ان احنا اتجوزنا بعض جواز صالونات واكبر مني بعشرين سنه واتفرض عليا من الاخر.. انت بقي ايه عذرك انك تخدع شيماء وتبهدلها بالشكل ده ؟!! مش بقولك انت بقيت مرعب اوي.. بعد اذنك عشان ميعاد الطيارة
مدحت.. استني بس.. انتي زعلتي ولا ايه ؟ انا بهزر معاكي يا بيضة.. هههه
ريم.. ابعد ايدك عني.. وانا غلطانه اني حبيتك وسلمتلك نفسي عشان في الاخر اسمع منك الكلام ده
مدحت.. في ايه يا بنتي.. انا بهزر معاكي.. وانتي عارفة اني مقدرش استغني عنك.. انا اسف يا ستي وادي راسك اهه.. مينفعش تسافري وانتي زعلانه مني.. دا انا امو.ت
ريم.. بجد ؟!!
مدحت.. اه بجد
ثم يقترب منها وينوي تقبيلها وفجاة يرن جرس الباب
مدحت.. ايه ده.. هو انتي مستنية حد يجيلك ؟
ريم.. لا ابدا.. جايز جمال يكون استعوقني.. خليك هنا وبعد ما امشي ابقي انزل انت
مدحت.. تمام
ريم.. باي
ثم تقبلة
مدحت.. بحبك
ريم.. وانا كمان
جرس الباب يرن بطريقة هستيرية وتحمل ريم الشنطة وتتوجه نحو الباب وعندما تفتح الباب تجد شيماء وتحمل في يدها سكين
ريم في دهشة.. شيماء !!!!!!
يتبع
رواية بنت بنوت
الفصل الثامن والاخير ريم تستعيد وعيها بعد ان دفعتها شيماء بقوة فارتطمت رأسها بكرسي الصالون فغابت عن الوعي بضع دقائق لتجد نفسها مربوطة في كرسي ومقيدة اليدين والقدمين ثم تنظر حولها حتي تجد شيماء امامها تمسك بالسكين والشر يخرج من عينيها
ريم.. انتي هتعملي فيا ايه يا شيماء ؟ انتي ناوية تق.تليني ؟!
شيماء.. صدقيني حتي الق.تل خسارة فيكي لأنك بكده هترتاحي وانا مش عاوزاكي ترتاحي
ريم.. شيماء انا صحبتك الانتيم !!
شيماء بسخرية.. صحبتي ؟!! شوفي انا مش جاية اعاتبك لأنك خسارة فيكي العتاب اصلا.. انا جاية عشان حاجة واحدة بس.. اخد كارت الميموري اللي جوة بطنك
ريم تنظر الي بطنها مندهشة.. كارت ميموري !! انا مش فاهمه حاجة ؟!
شيماء.. الكارت اللي البيه عشيقك سجل عليه ليلة دخلتي صوت وصورة واللي يثبت اني بنت بنوت مش واحدة شمال وخاينة زيك !!
ريم.. ولو كلامك ده صحيح ايه اللي جاب الكارت جوة بطني.. انتي بتهزري ولا اتجننتي خلاص ؟!
شيماء بسخرية.. ههههه..
وحيات كرهي ليكي انتي وجوزي الخاين اللي هو عشيقك انا لا بهزر ولا مجنونة.. الكارت فعلا جوة بطنك الباشا عشيقك خلي صاحبة الدكتور اللي عملك الزايدة يزرعه جوة بطنك ما انتوا شوية اوساخ في بعض بقي
ريم تنظر لغرفة النوم التي بداخلها مدحت وتقول
ريم.. ايه !! انتي بتقولي ايه ؟!
شيماء تلاحظ ريم وهي تنظر ناحية غرفة النوم ثم تنظر علي طرابيزة الصالون فتجد ولاعة السجائر وعلبة السجائر الخاصة ب مدحت فتمسك الولاعة وتنظر ل ريم مبتسمة وريم ترتبك لأنها احست ان شيماء عرفت ان مدحت موجود بالشقة
شيماء.. ليكي حق متصدقيش الكلام ده..
بس للأسف دي الحقيقة اللي كانت تايهه عنك.. عشيقك خبي دليل برائتي جوة بطن اعز صحباتي.. هههههه.. واطي مش كده ؟!! علي العموم هنروح بعيد ليه انا هاطلع الكارت دلوقتي من جوة بطنك وساعتها هتشوفي بنفسك كلامي صح ولا لا
شيماء تكشف عن بطن ريم
ريم ترتجف من الخوف.. انتي هتعملي ايه
شيماء.. عملية بسيطة كده وانتي وحظك عشتي بقي ولا مoتي بس انا عن نفسي مش عاوزاكي تمو.تي
ريم تصرخ.. الحقني يا مدحت شيماء هتق.تلني
مدحت يختبأ داخل غرفة النوم يراقب ما يحدث بالخارج وعند سماعه ريم تصرخ وتستغيث به يقول
مدحت.. غبية..
لازم تعرفيها اني هنا
شيماء.. ايه منتظرة يخرج من الاوضة ويدافع عنك !! ما اظنش
ثم تضع شريط لاصق علي فمها حتي لا تصرخ وتقترب بالسكين ناحية بطن ريم…………
