في يوم واحد ان شاء الله
حمدي بفرح..طب كويس ان شاء الله تكون عروسة كويسة وبنت حلال
محمد..يارب ياعمي
سمعت فاطمة كلامهم وهي في المطبخ وجاءت مسرعة
فاطمةبأبتسامة كبيرة ..صحيح يامحمد هيروح بكرا يشوفها(بلاش تبيني انك كنتي بتتصنتي عليهم يافطنة )
محمد نظر لها ..ايوة ياخالتي ادعيله تطلع كويسة وتعجبه ويعجبها عشان نعمل الفرح بقى
ضحكت فاطمة والفرحة تغمرها..يارب تكون كويسة يارب
جاءت تسنيم ومعها الطاولة وبدأو يلعبو ويخسر محمد لانه لا يركز في اللعب انما يختلس نظرات الحب هو وتسنيم حب عمره وهو ايضا حب عمرها
……….
في شقة ادم
بعد ان اكل هو وامه (فهي ارملة مات عنها زوجها وعاشت لأبنها الوحيد طيبة وحنونةوهي متدينة وملتزمة)
نادية بأبتسامة هادئة تريد ان تأثر عليه كي يتزوج ويفرح قلبها..ياابني ياحبيبي مش ناوي تريح قلبي بقى
ادم بهدوء..ادعيلي انتي بس ياامي
نادية بأستغراب من موقف ابنها ..دعيالك ياحبيبي والله بس انا مش فاهمة انت مستني ايه انت عندك مكتب بسم الله ماشاء الله دا غير ورثك من ابوك يعني تشتري شقة وتتجوز يبقى فين المشكلة انت عديت ٣٣سنة يابني ريح قولي احكيلي
تنهد ادم ..يعني انا ياأمي مش نفسي اتجوز واستقر واخلف بس لسة النصيب
ماجاش
نادية بيأس من كلام ابنها فهو دائما يقول نفس الكلام ..والنصيب هيجي امتى العمر بيجري وانا نفسي افرح بيك قبل ما…..
لم تكمل قاطعها ادم بخوف وقلق عليها..بعد الشر عنك ياامي
نادية نظرت له ..انت عارف ان الموت مش شر وكل واحد ليه يوم وكلنا هنموت
ادم هز رأسه بهدوء..ونعم بالله حاضر يا امي
نادية بفرح فهي فهمت حاضر انه موافق على الزواج..طب ايه رأيك في غادة
ادم نظر لها بتسأل..غادة مين
نادية..بنت خالتك مجيدة
ادم اتسعت عيناه بصدمة..ياأمي حرام عليكي انا عايز واحدة عاقلة تفهمني مش عيلة اجري وراها ودا صح ودا غلط
نادية بتفكير..طب ايه رأيك اشوفلك وحدة من البنات اللي بتأخد درس في الجامع وكلهم ماشاء الله عليهم متدينات وزي طلبك بالضبط
ادم يحاول الهرب من اصرار امه..طب ممكن نأجل الموضوع دا شوية بس وانا بنفسي هاجي اقولك انا عايز اتجوز
نادية بقلة حيلة..اللي تشوفه يابني ربنا يريح قلبك
تنهد ادم بوجع ..يارب ياامي تصبحي على خير
نادية تشعر بالحيرة لكن ماباليد حيلة ..وانت بخير
دخل ادم غرفته واستلقى على السرير وسرح في حبيبته التي دائما دعا وطلب من الله ان تكون حلاله وأم أولاده تنهد بوجع وقال..ربنا يهديكي ليا واغمض عيونه ونام
………..
في اليوم التالي ليس به جديد سوى زيارة احمد وامه ونسرين ل بيت والدي اماني ذهبو واخذو معهم شيكولاتة وهدية للعروس ان اعجبته اعطاها لها وان لم تعجبه رجع بها
دق احمد جرس الباب فتح عادل زوج اماني
احمد بأبتسامة ..السلام عليكم
عادل بادله الابتسامة ..وعليكم السلام اهلا وسهلا اتفضلو وسلم عليهم(طبعا عادل يعرف نسرين من ايام الجامعة ومازالو اصدقاء)
عادل مد يده لها..ازيك يانسرين عاملة ايه
نسرين بأبتسامة ..الحمد لله بخير انت عامل ايه والعيال عاملين ايه
عادل ..الحمد لله بخير مطلعين عنينا انا واماني
دخلو رحبت بهم والدة اماني ووالدها واماني وجالسو
في الصالون
زينب نظرت ل والدة اماني فهي تريد ان ترى العروسة..اومال فين العروسة
اماني قامت من مكانها لتكلم اختها..حاضر ياطنط لحظة واحدة خرجت وبعد قليل عادت ومعها مي لبسة فستان انيق ازرق وعليه حجاب رائع (هي فتاة جميلة جسمها متناسق تعمل في احدى الشركات في الحسابات)سلمت عليهم
زينب بان على ملامحها السعادة وان العروسة جميلة وعجبتها..بسم الله ماشاء الله تعالي هنا جنبي ياقمر
جلست مي بجانبها هي واحمد ونسرين تجلس على كرسي منفرد بجانب احمد ويقابلهم والد اماني وامها وعادل واماني
نسرين همست بجانب اذن احمد..ها يااحمد ايه رأيك فيها
احمد يهمس لها..كويسة انا
قلبي ارتاح لما شوفتها
نسرين بفرح وسعادة..تمام حلو اوي
والد اماني نظر لنسرين..بس انا زعلان منك يانسرين
نسرين نظرت له ..ليه بس ياعمي دا انا حبيبتك
والد اماني..ماهو دا اللي مزعلني انك بنتي حبيبتي كدا متسأليش عليا كل الفترة دي من بعد ما صحبتك اتجوزت خلاص نستينا
نسرين ..لا والله وانا اقدر دا انت الحب كله عندك حق انا اسفة ومن هنا ورايح هتزهق مني ماشي
والد اماني..ماشي ياقمر
وقفت اماني لتحضر العصير والشيكولاتة والجاتو والحلويات
عادل وقف من مكانه كي يساعدها..استني انا جاي معاكي
نسرين وقفت من مكانها لتذهب هي معها..لا
خليك انت مع عمي واحمد وانا هروح معها
والدة اماني..لأ يابنتي مايصحش
نسرين بأبتسامة..ليه ياماما هو انا غريبة
والدة اماني..لأ ياحبيتي دا بيتك
نسرين..خلاص كدا تمامونظرت ل أماني قومي يابت وراي على المطبخ
زينب بغيظ من افعال نسرين وانها تتعامل معهم هكذا..شايف عمايل اختك
احمد بأبتسامة فهو يعجبه الجو الذي صنعته نسرين وعادل وكأن لا احد غريب..ياامي ماهي واخدة عليهم وهما واخدين عليها
زينب بغيظ من كلامه وقلبت وجهها..طب ياخويا
جاءت نسرين واماني وقدموا لهم
زينب نظرت ل والدة اماني..هو انتي ماعندكيش غير اماني ومي اصل مش شايفة اخ يعني ليهم
