محمد..حاضر ياكبير عشان خاطرك وجلس معهم بعد ان اكملو طعامهم
دخلت نسرين غرفتها بعد ان غسلت الاطباق ونظفت كل شئ امسكت هاتفها تقلب فيه وجدت صورة لها هي واماني وأدم في مؤتمر كانو حاضرين لترجمة كانت هي واماني قريبات وهو يقف بعيد عنهم تأملت الصورة جيدا وقالت لنفسها..هو ليه لحد دلوقتي ماتجوزش مع انه شكله حلو وحالتة المادية ممتازة (هذا عرفته من كلام عادل كان زميلهم في سنة رابعة وهي في سنة اولى ف عادل صديقه وزوج اماني وانه وحيد امه وشقتهم كبيرة ) وظلت تحدث نفسها انسان مؤدب ومحترم وملتزم جدا يعني الف مين تتمناه وكبرت الصورة وتأملت عيونه
وشكله ولحيته واناقته وانتبهت لنفسها..ايه الهبل اللي بعملوه دا انا مالي يتجوز ولا لأ اتصلت على اماني وانتظرت الرد
نسرين..السلام عليكم
اماني..وعليكم السلام
نسرين..عاملة ايه
اماني..زي الهبلة بجري في كل حتة من المطبخ وعمايل الاكل والبيت وتنظيفه والولاد والمذاكرة ليهم والغسيل اللي مش بيخلص و……
نسرين..بس بس يارتني ماكلمتك انا غلطانة تصدقي
اماني..مش انتي اللي سألتي عاملة ايه يعني اكذب واقولك قاعدة في المرجيحة بتمرجح
نسرين..طب ياستي معلش انا اسفة خلينا في المهم
اماني..خلينا في المهم اللي هو ايه بقى
حكت لها ان احمد اخوها طلب منها تشوف له عروسة
اماني بعدم فهم..طب وانا مالي انتي عايزة تطلقيني من عادل واتجوز احمد
نسرين..انتي هبلة ولا عبيطة اذا كان امي قالت واحدة كبيرة من سني لأ تقوم تجوزه مطلقة
اماني..بردو انا مش فاهمة ايه دوري في الفيلم دا
نسرين..بص ياستي ايه رأيك في مي
اماني بغباء..مي مين
نسرين بضحك ..يالهوووووي لأ دا انتي حالتك صعبة اوي مي اختك
اماني تحك رأسها..اه مي تمام فهمت
نسرين..طب الحمد لله انك فهمتي ها قوليلي بقى هي مي في حد في حياتها
اماني..تصدقي ولا اعرف اسألها وارد عليكي
نسرين..ماشي وكلميني ضروري وياريت تكلميها دلوقتي
اماني..ايه دا انتي مستعجلة اوي عشان تخلصي منه
نسرين بتنهيدة..ابدا والله دا انا مش عارفة هعمل ايه من غيره المهم اتصلي وكلميها وكلميني على طول يالا بسرعة
اماني..حاضر سلام
نسرين..مع السلامة
تركت الهاتف من يدها وسرحت قليلا في معاملة ادم لها فاقت من شرودها على صوت رنة هاتفها امسكت
الهاتف وجدت المتصل اماني
نسرين..ايوة ياموني عملتي ايه
اماني..كلمتها وهي مفيش حد في حياتها وماما رحبت بالفكرة لانها عارفكي كويس وقالت لي في وقت يناسبكم اتفضلو
نسرين بأندفاع..بكرة الساعة ٨ ايه رأيك
اماني..خلاص تمام هبلغهم مع السلامة
نسرين..مع السلامة
وضعت هاتفها وقالت ..يارب بكدا ياماما تخفي عليا شوية……….
رواية العا.نس.
بقلم نوني الهواري.
الفصل الثالث
خرجت نسرين من غرفتها كي تخبر امها
نسرين بصوت عالي قليلا..ماما انتي فين
زينب من غرفة نومها..تعالي انا هنا
طرقت نسرين الباب ودخلت..ماما انا كلمت اماني واتفقت معها على بكرا الساعة ٨ ايه رأيك
زينب اتسعت عيناها بسعادة وابتسامة كبيرة على وجهها..ايوة عفارم عليكي نضرب على الحديد وهو سخن قبل ما يرجع في كلامه
عزت بأبتسامة فرح ونظر لنسرين..طب كويس ان شاء الله تكون فاتحة خير عليكم
ابتسمت نسرين له..يارب يابابا طب تصبحو على خير
خرجت من الغرفة التقت ب أحمد الذي استغرب وجودها في غرقة والديه في هذا الوقت ..انتي
كنتي في اوضة بابا في حاجة
نسرين على وجهها ابتسامة هادئة هزت رأسها بالنفي..لأ مفيش حاجة بس كنت بقول ل ماما اني اتفقت مع اماني هنروح بكرا الساعة ٨
احمد بأبتسامة ..لدرجة دي مستعجلة تخلصي مني
لم ترد قاطعها محمد الذي يجلس امام التلفاز وقال وهو يصفق..ايوة بقى برافو عليكي يابت يانسرين خير البر عاجله ووقف مسرعا واتجه لباب الشقة
احمد بأستغراب..انت ياعم رايح فين دلوقتي الساعة عدت ١٠
محمد وعلى وجهه السعادة..رايح افرح خالتي فاطمة وتسنيم ان خلاص هانت وخرج واغلق الباب خلفه نظر احمد ل نسرين وضحكو عليه
………
في شقة حمدي عم نسرين
فاطمة تجلس بجانب زوجها وقالت بهدوء فهي خائفة على ابنتها من طول فترة الخطوبة..بص بقى ياخويا انت تكلم اخوك كدا بصريح العبارة البت هتستنى ايه اكتر من كدا انا كلمت محمد من يومين ومش شايفة حاجة حصلت
حمدي هز رأسه بهدوء ..حاضر ياأم معتز مع اني الموضوع كدا مش حلو اني اقولهم تعالو خدوها
فاطمة التفتت قليلا لتقابله..ما أنا مش هقعد اتفرج على بنتي وهي شبابها بيروح وهي قاعدة جنبي
حمدي..حاضر ياستي بكرا هكلمه
كادت فاطمة ان ترد لكن قاطعها صوت طرقات على الباب قامت تسنيم وفتحت الباب وجدت محمد امامها
والسعادة مرسومة على وحهه
محمد بعيون تملأها الحب ..السلام عليكم
تسنيم بخجل من نظرته لها..وعليكم السلام ادخل
دخل وسلم عليهم ونظر لعمه..قولت اجي العب معاك عشرة طاولة ولا عايز تنام
حمدي بأبتسامة قد تكون فرصة للكلام معه..لأ انت جيت في وقتك دا انا حتى كنت زهقان هاتي الطاولة ياتسنيم
قامت فاطمة من مكانها..اما اقوم اعملكم شاي واشارت لزوجها كي يكلمه
حمدي ..ها يامحمد يابني مش ناوي بقى تفرحنا
محمد بأبتسامة واسعة ..خلاص ياعمي قريب اوي ان شاء الله اصل ماما بكرا ماشية هي واحمد ونسرين عشان يشوف عروسة وامي قالت ان فرحي انا واحمد
