ساعة ورا ساعة جهزت وبقت زي القمر والقاعة خلاص تجهيزاتها كملت وبتستقبل الناس بس حسام مظهرش الاتفاق كان إن كتب الكتاب هيتم في البيت وسط الأهل والحبايب عشان جدها التعبان مش هينفع يتحرك ولا يحضر الفرح في القاعة وبعدها يطلعوا كلهم على القاعة سوا البيت كان مليان على آخره أهلها وأهله والكل متجمع بس الوقت بيجري وحسام اختفى والموبايل يرن ومايردش القلق بدأ يتسرب للكل والهمسات زادت بس فجأة رن موبايل قدر
بنت عمتها خ.طفت التليفون بسرعة من فرحتها وقالت : أهو رن أهو يا جماعة فتحت المايك عشان تطمن الأب والأم اللي كانوا واقفين على جمر وصوت حسام طلع من السماعة هادي بس قاسي رن في الصالة اللي كانت زحمة بس سكتت فجأة : قدر أنا آسف مش هقدر أتجوزك أنا وانتي مابننفعش لبعض أهلي وأهلك هما اللي شافونا مناسبين بس أنا عمري ما شوفتك ولا حبيتك حاولت أتقبلك كتير والله بس معرفتش مش قادر حتى أشوفك زوجة ليا أنا آسف سامحيني
الخط اتقفل والصمت شق الأوضة كأنه س/كينة قدر كانت واقفة عينيها مبرقة على الموبايل مش مستوعبة الكلام الدنيا دارت بيها الألوان اتخ.طفت من وشها الفستان الأبيض حست إنه بقى تقيل وزي الجبل على صدرها وفي ثانية عينيها غمضت وركبتها خانتها ووقعت في الأرض مغمى عليها وسط صريخ البنات وذهول الأهل !! انقلبت الشقة لميتم في ثواني شالها ابوها مع قرايبها وحطوها على السرير وأمها كانت بتولول ومش مستوعبة إزاي ابن أختها يعمل الحركة الرخيصة دي وفي اللحظة دي بالذات
حالة ذهول شلت الكل القرايب بدأوا يحاولوا يتصلوا بحسام لكنه مش بيرد وتلفونه اتقفل وجدها التعبان ضغطه علي وأغمى عليه هو كمان من الصدمة الفضيحة انتشرت بين الأهل وبيحاولوا يخبوا الحقيقة انها توصل للجيران في الوقت ده بالذات تحت العمارة شاهين كان قاعد جوة عربيته بيشرب سيجارته بهدوء قاتل وعينيه مثبتة على البوابة لمعة الموبايل في إيده أعلنت وصول الرسالة من رجالته ان حسام ركب الطيارة ومسافر دبي خلاص ابتسم شاهين ابتسامة نصر ورمى السيجارة من الشباك ونزل من العربية بكامل هيبته وأناقته مشي بخطوات بطيئة وواثقة جوة العمارة وطلع السلم كأنه طالع يستلم ممتلكاته وصل للشقة الباب كان مفتوح….
الناس جوة في حالة هرج ومرج وصدمة دخل شاهين بهدوء هيبته ونفوذه فرضوا الصمت في الصالة أول ما الناس شافوه محمد ابوها بصله بذهول واستغراب من وجوده في وقت زي ده، وقال بصوت مكسور ومجهد : شاهين بيه خير حضرتك بتعمل إيه هنا في وقت زي ده شاهين قرب بخطوات رتيبة وقار شديد ورد بصوت هادي بعد ما طلب من الكل يسيبوهم لوحدهم شوية : سمعت إن في أزمة حصلت يا أستاذ محمد وشاهين البنا ميرضاش أبداً إن راجل محترم زيك وبنته، يكسرهم عيل واطي وندل زي حسام
قدر الشاهين بقلمي شهد الشورى أمها كانت عمالة تردد بحسرة : بيتنا اتخرب وسمعتنا اتمرغت في التراب الخاين سابها ودمر فرحتها في ليلة دخلتها قليل الأصل هنا شاهين مال براسه ونزل القنبلة اللي كان بيجهز لها وقال بثبات زلزل المكان : كرامة بنتك وكرامتك من كرامتي يا أستاذ محمد المأذون موجود بره والناس مستنيين في القاعة وأنا جاهز أكون العريس أنا هكتب كتابي على الآنسة قدر حالاً والليلة دي مش هتعدي غير وهي مراتي وعلى ذمتي وما عاش ولا كان اللي يوطي راسكم قدام الناس
الصدمة ألجمت الكل أم قدر بصلته بذهول مش مصدقة إن ده شاهين البنا رجل الأعمال الغني اللي بنتها رفضته جاي يستر الفضيحة وياخدها في نفس الليلة الأستاذ محمد كان بين نارين نار كرامته اللي اتداست تحت الجزم بسبب حسام ونار إنه يرمي بنته في ح.ضن راجل عارف سمعته وقسوته بس في اللحظة دي الفضيحة كانت أكبر من أي تفكير في الأوضة جوه كانت قدر بدأت تفوق على أثر برودة الميه اللي رشواها على وشها سمعت الصوت العالي اللي بره
سمعت جملة شاهين الأخيرة كأنها صاعقة نزلت على دماغها قامت من على السرير بجنون وهي ماسكة ديل فستانها المنفوش اللي بقى زي الكفن بالنسبة ليها وخرجت للصالة بوش أصفر زي الليمونة ودموعها نازلة على خدها بصت لشاهين الواقف في نص الصالة وعينيها مليانة كره ورعب، وقالت بصوت بيترعش من الغضب : على ج/ثتي أنا أمو.ت ولا أكون ليك يا شاهين انت فاكر إنك تقدر تشتري كل حاجة بفلوسك شاهين بصلها بروقان غريب عينيه المتفحصة أكلت هيئتها بالفستان الأبيض قرب منها وقال بنبرة واطية حادة زي السكينة هو وهي بس اللي سمعوها :
هتقبلي يا قدر مش عشاني لا عشان الراجل الطيب اللي واقف هناك ده اللي ممكن يروح فيها بسكتة قلبية بسبب الفضيحة وعشان جدك اللي بيمو.ت جوه وعشان كرامة عيلتك اللي العيل اللي اخترتيه مرغها في الطين أنا طوق النجاة الوحيد ليكي انهارده وقفت قدر في نص الصالة عينيها بتتردد بين وش أبوها المكسور اللي بيمو.ت من الخزي وبين عينين شاهين القاسية اللي حاطاها تحت أمر واقع مفيش منه مفر هل هتقبل بيه وتضحي بنفسها عشان تنقذ أهالها من الفضيحة ولا كبريائها هيرفض حتى لو كان التمن فضيحة ليها بل لعيلتها كلها…..؟!
انتظروووا كل يوم بارت جديد من الرواية ان شاء الله تعجبكم مستنية رأيكم تابعووو ❤️❤️
