غير ما يقول مين اللي جابها و بسمة لاحظت و قالت لها يا بت يا منال شكله وقع ولا ايه و منال ضحكت ضحكة صفرا و قالت جواها ايوة الخطة ماشية زي ما انا عاوزة
عمر اتعلق بمنال فعلا بقى يستناها كل يوم الصبح و بقى يوصلها بعربيته بالعافية بعد ما بقت تمثل انها رافضة عشان فقيرة و عندها كرامة و بقى يحكي لها عن حياته و عن وحدته و عن قد ايه هو نفسه يحب و يتحب بجد و منال في الاول كانت بتسمع و هي فرحانة بالانتقام بس شوية شوية بدأت تحس بحاجة غريبة بقت تستنى كلامه و بقت تقلق عليه لو اتأخر و بقت تحس بقلبها بيدق لما تشوفه و هي مكنتش عاملة حساب اللحظة دي خالص هي كانت فاكرة انها هتمثل بس لقيت نفسها بتحبه بجد بتحب قسوته اللي وراها حنية و
بتحب خوفه عليها و بتحب ازاي اتغير عشانها
و في يوم الشركة عملت حفلة صغيرة و منال كانت لابسة فستان بسيط بس كان مخليها زي القمر و عمر مقدرش يشيل عينه من عليها و في اخر الحفلة خدها في البلكونة و قالها منال انا عارف اني كنت قاسي معاكي في الاول بس انتي غيرتي كل حاجة فيا انا عمري ما حبيت حد قد ما حبيتك انتي اول واحدة تخليني احس اني بني ادم مش مكنة فلوس انا بحبك يا منال تتجوزيني و منال اتصدمت و قلبها وقع في رجلها و كانت هتعيط و هتقول الحقيقة بس افتكرت خطتها و افتكرت انها ناوية تسيبه فجمدت قلبها و قالت له بسخرية
تتجوزني انا تتجوز واحدة فقيرة زيي بتسكن في شبرا و بتركب المترو انت اكيد بتهزر يا استاذ عمر انت عمرك ما هتبص لواحدة زيي لو عرفت حقيقتها عمر اتوجع من كلامها و قالها انا بحبك انتي مش بحب فقرك ولا غناكي انا بحب قلبك و روحك و لو الدنيا كلها وقفت قدامي هتجوزك برضه فمنال مقدرتش تمسك نفسها اكتر من كده و قالت له طيب تعالى معايا بكرة الصبح و انا هوريك حقيقتي و هتعرف اذا كنت هتحبني برضه ولا لا
تاني يوم عمر راح معاها العنوان اللي ادتهوله و اتفاجئ لقى نفسه قدام قصر السيوفي و البواب فتح لمنال و قالها اتفضلي يا هانم منال الصغيرة و عمر واقف مش فاهم حاجة و دخل و لقى ابراهيم السيوفي قاعد مستنيه و منال داخلة لابسة فستان غالي و دهب و بتقول له يا بابا ده عمر اللي حكيت لك عنه عمر اتصدم صدمة عمره و فهم ان البنت الفقيرة اللي حبها طلعت وريثة ملياردير و انها كانت بتضحك عليه طول الوقت فوشه احمر من الغضب و قالها انتي كدابة انتي خدعتيني و لعبتي بيا و انا زي الاهبل صدقت ان واحدة زيك
ممكن تحب واحد زيي و سابها و مشي و هو موجوع
منال جريت وراه و هي بتعيط بجد لاول مرة من قلبها و قالت له استنى يا عمر اسمعني انا في الاول فعلا كنت داخلة انتقم منك عشان كنت قاسي معايا بس والله حبيتك بجد و نسيت الخطة و نسيت كل حاجة انا دلوقتي منال الفقيرة اللي بتحبك مش منال الغنية و لو عاوزني اسيب كل الفلوس دي و اجي اسكن معاك في اوضة صغيرة انا موافقة بس متسيبنيش و عمر وقف و بصلها و شاف دموعها و حس انها صادقة و افتكر كل لحظة حلوة بينهم و عرف ان الحب مش بيجي بالفلوس ولا بالفقر الحب بيجي لما قلبين يحسوا ببعض
بجد
عمر ح.ضنها و قالها انا كنت زعلان عشان افتكرت انك شايفاني لعبة زي ما كل الناس شايفاني بنك متحرك بس دلوقتي عرفت انك انتي الوحيدة اللي حبتيني و انا عمر الفقير قبل ما اكون عمر الغني و منال ضحكت وسط دموعها و قالت له خلاص هنبدأ من جديد انا و انت من غير خداع و من غير قناع و راحوا لابوها ابراهيم اللي كان واقف بيتفرج من بعيد و مبسوط ان بنته اخيرا لقت اللي يحبها لشخصها و اللي هي كمان حبته بجد و بسمة لما عرفت الحكاية كلها قعدت تضحك و تقول يا بنت اللعيبة عملتي فيلم هندي في الشركة
و ملك اخت بسمة الصغيرة قالت انا عاوزة ابقى وريثة مقنعة زيك يا منال و اسامة ابن عم عمر قال و انا كمان اتعلمت ان مش كل بنت فقيرة تبقى طمعانة
بس الحكاية مخلصتش هنا لان عمر بعد ما رجع الشركة تاني يوم كان لسه جواه حتة شك صغيرة و قال لمنال تعالي بقى وريني هتتعاملي ازاي لما تبقي مديرة بجد مش موظفة غلبانة و منال ضحكت و قالت له هتشوف و فعلا ابراهيم عمل اجتماع و اعلن قدام كل الموظفين ان منال تبقى بنته و انها هتمسك منصب كبير و الناس كلها اتصدمت و بسمة كانت هتقع من طولها و قالت ايه ده انتي بنت ابراهيم السيوفي يا منال ده انا كنت بقسم معاكي سندوتش الفول و منال ح.ضنتها و قالت لها و هفضل اقسمه معاكي برضه الفلوس عمرها ما هتغيرني
و ملك جت تجري تح.ضنها و قالت لها انتي احلى وريثة في الدنيا
عمر و منال بدأوا يشتغلوا سوا بس المرة دي كشركاء بجد و كل يوم كانوا بيتعلموا حاجة جديدة عن بعض و عمر عرف ان القسوة اللي كان فيها كانت بسبب خوفه من الوحدة و منال عرفت ان الفلوس الكتير ممكن تخلي الواحد وحيد جدا لحد ما يلاقي حد يحبه من غير سبب و اسامة كان بيجي الشركة و يحاول يصلح بينهم لما يتخانقوا و كان يقول لعمر يا ابني البنت دي بتحبك بجد متضيعهاش من ايدك و ابراهيم كان فرحان بيهم جدا و قال لمنال انا كنت خايف عليكي من الدنيا بس دلوقتي اتطمنت لانك لقيتي راجل يحميكي و يحبك زي
ما انتي
و في ليلة من الليالي عمر خد منال و راحوا على الكورنيش زي ما كانوا بيروحوا و هي لابسة لبس بسيط و قعدوا على الرصيف ياكلوا ترمس و يضحكوا و عمر قالها فاكرة لما كنتي بتقولي هتخليني احبك و تسيبيني اهو انتي اللي حبتيني و مش هتعرفي تسيبيني ابدا و منال قالت له خطتي باظت يا عمر انا كنت عاوزة انتقم منك لقيتني بانتقم من قلبي انا و بحبه اكتر و الاتنين ضحكوا و ح.ضنوا بعض و القمر كان شاهد عليهم و عرفوا ان الحب الحقيقي هو اللي بيجي من غير قناع و من غير تمثيل و ان الوريثة المقنعة لما
قلعت القناع لقت نفسها اخيرا
القصة خلصت بفرح كبير في القصر و منال و عمر اتجوزوا و عاشوا سوا و هي فضلت تشتغل في الشركة بس المرة دي كمديرة و حبيبة و زوجة و عرفت ان الحب لما يبوظ الخطة بيبقى احلى خطة في الدنيا كلها و ان الفلوس عمرها ما بتشتري قلب صادق و بعد الجواز منال مسبتش بسمة ابدا خلتها مديرة مكتبها و قالت لها انتي اختي اللي بجد اللي وقفتي جنبي و انا فقيرة و ملك بقت زي اختها الصغيرة تذاكر عندها في القصر و اسامة و عمر بقوا اصحاب اكتر من الاول و كانوا كل خميس
يتجمعوا في بيت منال و يطبخوا سوا و يضحكوا و ابراهيم كان يقعد يتفرج عليهم و يقول الحمد لله ان بنتي عرفت تختار صح و عرفت ان الحب مش لعبة انتقام الحب امان و سند و منال كل ما تفتكر ايام الارشيف و التعب و المترو تضحك و تقول لعمر شفت بقى الوريثة المقنعة بقت ست بيت شاطرة ازاي و عمر يقولها انتي طول عمرك شاطرة و قوية و انا بحبك في كل حالاتك سواء لابسة دهب او شنطة قماش انتي منال وبس اللي قلبي اختارها من وسط كل الناس و هتفضلي حبيبتي للابد و هما عاشوا مبسوطين و كانت منال
كل يوم الصبح تصحى بدري تعمل الفطار لعمر بايدها و تفكره بايام زمان لما كان بيزعق عليها عشان القهوة و كانوا يضحكوا سوا على الذكريات و بسمة تقولهم يا جماعة ارحمونا بقى من قصة الحب دي و ملك تضحك و تقول نفسي اعيش قصة زيكم و اسامة يقول بكرة تلاقي
