وريثة مقنعة
منال كانت واقفة قدام المراية في اوضتها اللي في الفيلا اللي قد القصر و بتبص لنفسها و هي مش مصدقة اللي هتعمله بكرة الصبح منال تبقى بنت ابراهيم السيوفي الملياردير المعروف اللي اسمه بيرن في كل حتة في البلد من شركات عقارات لمصانع لقرى سياحية بس محدش كان يعرف شكل بنته خالص لانه طول عمره مخبيها عن الاعلام و عن الناس عشان يحميها من الطمع و من الناس اللي بتحب الفلوس بس هي زهقت زهقت من كل واحد بيقرب منها عشان فلوس ابوها زهقت من الشباب اللي بيمثلوا الحب و هما عينيهم على الورث و من البنات اللي بيصاحبوها عشان تخرجهم
و تصرف عليهم فقررت تعمل خطة مجنونة محدش يتوقعها خالص قالت لابوها يا بابا انا عاوزة انزل اشتغل في الشركة الجديدة اللي انت لسه شاريها شركة الاستيراد و التصدير اللي في وسط البلد بس مش كبنتك انا هنزل باسم منال عبد الله بنت عادية جاية من شبرا و ساكنة في اوضة صغيرة و محتاجة الشغل جدا ابوها اتصدم في الاول و قالها انتي مجنونة يا منال حد يعمل كده برضه بس هي فضلت تزن عليه لحد ما وافق بشرط ان السواق يفضل وراها من بعيد و انها تفضل لابسة الساعة اللي فيها جي بي اس و كده
تاني يوم الصبح منال صحيت الساعة ستة الصبح و لبست بلوزة بسيطة و جيبة قديمة و شنطة قماش و لمت شعرها كحكة عادية و نزلت من باب الخدم عشان محدش يشوفها و ركبت المترو لاول مرة في حياتها و كانت الناس بتزق فيها و الريحة صعبة و الحر فظيع بس هي كانت مبسوطة و حاسة بمغامرة اول ما وصلت الشركة دخلت على الاتش ار و هناك قابلت بسمة اللي هتبقى صاحبتها الوحيدة في الشركة بسمة بنت جدعة و طيبة من امبابة و بتشتغل سكرتيرة بقالها سنتين و هي اللي عرفتها على الدنيا في الشركة و قالت لها بصي يا منال الشركة
دي صاحبها الجديد راجل صعب اوي اسمه عمر الدالي شاب عنده حاجة و تلاتين سنة و ماسك شركات ابوه بعد ما ابوه مات و كل الناس بتخاف منه و بيطرد اي حد يغلط غلطة صغيرة خلي بالك منه
منال دخلت تشتغل في قسم الارشيف و المرتب كان ملاليم بالنسبة لها بس كانت فرحانة و بعد اسبوع شافت عمر لاول مرة كان داخل الشركة و الكل واقف طابور و هو داخل مكشر و لابس بدلة غالية و نظارته سودا و بيبص للناس كأنهم هوا و عدى من جنب منال و خبط الملف اللي في ايديها و وقع كل الورق على الارض و حتى مبصش وراه و كمل مشي فمنال اتغازت جدا و قعدت تلم الورق و هي بتشتمه في سرها من جواها و من هنا بدأت كراهيتها ليه
عمر فعلا كان قاسي جدا مع الكل و بالذات مع منال عشان كان شايفها بطيئة و مش منظمة و مرة زعق فيها قدام الشركة كلها عشان اتأخرت خمس دقايق و مرة تانية رمى القهوة اللي عملتها ليه عشان كانت باردة و قالها انتي فاشلة و مبتعرفيش تعملي حاجة و منال كل يوم ترجع بيتها تعيط في اوضتها و تحكي لبسمة اللي كانت بتواسيها و تقولها معلش يا بنتي هو كده مع الكل مش انتي بس بس منال من جواها اتحولت الكراهية لرغبة في الانتقام و قالت في نفسها و الله لاخليك تحبني و تتعلق بيا و بعدين اسيبك و اكسر قلبك
زي ما بتكسر قلوب الناس
الخطة بدأت منال بطلت تخاف منه و بقت ترد عليه و هي بتبص في عينيه و ده خلاه يستغرب جدا لان محدش كان بيرد عليه قبل كده و بقت تهتم بنفسها شوية حتى بلبسها البسيط بقت تحط لمسة حلوة و ريحتها بقت حلوة و كلامها بقى اذكى و عمر بدأ يلاحظها بدأ يطلبها هي بالذات تجيب له الملفات و بدأ يسألها اسئلة شخصية انتي منين يا منال ساكنة فين ليه بتشتغلي هنا و هي كانت بتمثل دور البنت الفقيرة الشقيانة اللي بتصرف على امها التعبانة و اللي نفسها تكمل تعليمها و الكلام ده اثر فيه جدا لانه هو كمان من جواه
كان وحيد و مامته ماتت و هو صغير و ابوه كان قاسي عليه فحس انها شبهه
في مرة الشركة كانت سهرانة عشان فيه صفقة كبيرة و منال كانت قاعدة لوحدها في الارشيف بتعيط عشان تعبانة و عمر عدى و شافها فدخل و سألها مالك بتعيطي ليه فهي قالت له مفيش بس انا تعبانة و امي عيانة و مش عارفة اعمل ايه فهو لاول مرة في حياته قعد جنب حد و طبطب عليه و قالها اهدي كل حاجة هتبقى كويسة و جاب لها مية و فضل قاعد معاها لحد ما هديت و من اليوم ده حاجة اتغيرت بينهم بقى يبص لها بصه مختلفة و بقى يضحك لما يشوفها و بقى يجيب لها شيكولاتة و يحطها على مكتبها من
