آدم اللي من شوية كان بيضحك مع صحابه.
آدم اللي كان واقف بيقطع التورتة.
آدم اللي كنت من ساعة تقريبًا بقول للناس قد إيه أنا محظوظة بيه.
دلوقتي كان واقف قدامي كأنه متهم في قضية ومش عارف يبدأ يدافع عن نفسه منين.
قلت بصوت هادي بالعافية
جنى… حبيبتي، تعالي هنا.
جريت عليا، وحــ,,ـــــضنت رجلي.
نزلت لمستواها ومسكت وشها بين إيديا.
قولي لماما… بابا كان بيعيط فين؟
جنى أشارت تاني على جزمة مروان.
هنا.
هنا فين؟
عند عمو مروان.
ضحكة صغيرة خرجت من وسط الناس، بس محدش كملها.
أنا بصيت لمروان.
ممكن تقلع الجزمة؟
مروان اتجمد.
آدم قال بسرعة
ليلى، كفاية.
لفيت له وقلت
كفاية إيه؟
دي طفلة عندها تلات سنين.
أنا عارفة إنها طفلة.
يبقى متكبريش الموضوع.
بصيت له فترة طويلة.
أنا لسه مكبرتوش.
سكت.
الجملة خرجت مني أهدى مما كنت متوقعة.
بس جوايا كان في صوت بيصرخ.
مروان قام من مكانه.
قال
أنا هقلعها.
آدم بصله بسرعة.
نظرة غريبة.
نظرة فهمتها في اللحظة دي إن بينهم حاجة أنا معرفهاش.
مروان قعد، وفك رباط الجزمة اليمين.
جنى أول ما شافته، جريت عليه وقالت
دي!
مروان رفع عينه ناحيتي.
إيه؟
قلت
استنى.
وقفت.
جنى، إنتي شفتي بابا بيعيط فين بالظبط؟
البنت الصغيرة بصتلي وبعدين بصت للجزمة.
وقالت
هنا.
على الجزمة؟
هزت راسها.
بابا كان بيعيط وبيحــ,,ـــــضنها.
الصمت اللي وقع على الجنينة كان أغرب من أي حاجة حصلت قبل كده.
مروان بص لآدم.
آدم بص للأرض.
أنا حسيت إن رجلي مش شايلاني.
بيحــ,,ـــــضن الجزمة؟
جنى قالت
آه.
وبعدين ضحكت فجأة
وكان بيقول أنا آسف.
رفعت عيني ناحية آدم.
كنت بتقول إيه؟
آدم ما ردش.
قلت بصوت أعلى
كنت بتقول إيه يا آدم؟
الناس بدأت تتحرك في توتر.
أختي ناهد قربت مني وقالت
ليلى، اهدي.
بصيت لها.
أنا هادية.
بس الحقيقة إني ما كنتش هادية.
كنت حاسة إن قلبي بيخبط في صدـ,,ـــري.
مروان وقف.
ليلى، الموضوع مش زي ما إنتي فاهمة.
ضحكت ضحكة قصيرة من غير فرحة.
وأنا فاهمة إيه؟
جنى شافت موقف قديم وفهمته غلط.
طب احكيلي.
سكت.
احكيلي يا مروان.
مفيش رد.
بصيت لآدم.
إنت كمان؟
فضل ساكت.
ساعتها حسيت إن حاجة جوايا اتكسرت.
مش بسبب كلمة جنى.
بسبب سكوت الاتنين.
لو مفيش حاجة…
كان ممكن يضحكوا.
كان ممكن يقولوا إن البنت فهمت حاجة غلط.
كان ممكن يفسروا.
لكن الاتنين ساكتين.
وده كان أسوأ من أي اعتراف.
أخدت نفس عميق.
كل الناس تمشي.
محدش اتحرك.
رفعت صوتي
قلت كل الناس تمشي!
بدأت العيلة والضيوف يتحركوا ببطء.
المزيكا اتقفلت.
الجريل اتساب.
العيال اتلمت.
وبعد حوالي عشر دقايق، الجنينة كانت شبه فاضية.
فضلنا أنا وآدم ومروان وجنى.
بصيت لجنى.
حبيبتي، اطلعي مع طنط ناهد فوق.
ناهد أخدتها.
قبل ما تمشي، جنى رجعت وباستني.
وقالت
ماما، بابا كان بيقول لمروان ما تقولكيش.
حسيت إن نفسي اتقطع.
بصيت لآدم.
جنى مشت.
الباب اتقفل.
وساعتها قلت
دلوقتي اتكلموا.
آدم قعد.
حط إيده على وشه.
مروان فضل واقف.
قلت
أنا عايزة أعرف من البداية.
آدم رفع عينه.
ليلى…
من البداية.
الموضوع قديم.
قد إيه؟
سكت.
قد إيه يا آدم؟
قال
حوالي سنة.
اتسمرت.
سنة؟
هز راسه.
آه.
يعني من سنة وإنت مخبي عني حاجة؟
أنا كنت بحاول أحميكي.
ضحكت بمرارة.
تحميني من إيه؟
مروان تدخل
ليلى، آدم ما خانكيش.
لفيت له.
أنا ما سألتش عن خيانة.
سكت.
وهنا فهمت إن كلمة خيانة كانت في دماغه
ممكن تكون خدعة.
طب ليه صورتي أنا؟
سكت.
مروان قال
عشان بيقول إن اللعبة بقت حواليكي.
بصيت لجنى اللي كانت واقفة بعيد عند السلم.
كانت بتبص لنا.
فجأة قالت
ماما…
قربت منها.
نعم يا حبيبتي؟
قالت
الراجل اللي في الصورة ده هو اللي كان بيخبط على الباب.
أنا تجمدت.
إنتي شفتيه؟
هزت راسها.
آه.
إمتى؟
لما بابا كان بيعيط عند الجزمة.
بصيت لآدم.
هو فهم.
أنا فهمت.
السر ما كانش قديم.
شاكر كان بيراقبنا.
وممكن يكون كان قريب من بنتي.
وده كان خط أحمر.
مسكت إيد جنى.
وقلت
محدش هيقرب منها.
آدم وقف جنبي.
ولا أنا.
مروان قال
يبقى لازم نروح للمخزن.
بصيت له.
لأ.
ليلى…
مش هنروح له بالطريقة اللي هو عايزها.
آدم بصلي.
إنتي عندك فكرة؟
قلت
آه.
طلعت الموبايل.
اتصلت بحد كنت أعرفه من زمان.
وقلت
عايزة أقابل حضرتك.
سكت.
آه، الموضوع متعلق بأبويا.
قفلت.
آدم سأل
مين ده؟
بصيت له.
المحامي اللي كان بيتابع قضية أخويا زمان.
مروان قال
هو لسه عايش؟
آه.
وممكن يعرف حاجة؟
قلت
هعرف.
وبعدين بصيت للظرف.
بس قبل ما نروح لشاكر…
رفعت الصورة.
لازم نعرف هو عايزنا نروح ليه.
في الليلة دي، محدش نام.
وفي الساعة تلاتة الفجر، وأنا قاعدة جنب جنى، سمعت صوت موبايل آدم.
بصيت له.
رسالة.
فتحها.
قرأها.
وشه اتغير.
مدلي الموبايل.
كانت الرسالة
لو ما جيتوش المخزن بكرة الساعة 10، البنت هتعرف الحقيقة عن أبوها بالطريقة اللي أنا أختارها.
وتحتها صورة جديدة.
صورة لجنى.
متصورة من بعيد.
وهي واقفة في الحديقة.
في يوم عيد ميلاد آدم.
يعني…
اللي صورها كان موجود وسطنا.
وسط الضيوف.
شايفنا كلنا.
وممكن يكون سمع كل كلمة قالتها جنى.
