قهقهة أشرف فما عاد له سيطرة على كتم ضحكه وهو يقول حرام عليك تقول عليها كده
أسكت انت مش ناقصك عيوني مولعة الله يحرقها حاسس
كأنها
رمت عليه شطة
لا الدكتور قال أن ده اسبراي بيسبب فعلا عمي مؤقت تلاتين أو اربعين دقيقة ثم نظر لساعة يده متهكما فاضلك عشر دقايق ونظرك يرجع يا معلم مبروك مقدما وتعيش وتاخد غيرها
صاح بغيظ أقسم بالله ما شوفت أسخف منك فرحان فيا
أجابه ببرود بصراحة أه عشان تتلم وتفكك من حوار البنات ده أحمد ربنا إنها ما ضـ,ـربتكش بال electrec shock
جعد جسار وجهه باستنكار ساخر
نعم يا اخويا! وده ايه ده كمان قنبلة نووية
لأ يا فالح ده صاعق كهربائي يا جاهل بقى مغرق الأرصفة دلوقت في العتبة وشبرا وحلوان كمان أختي معاها واحد في شنطتها بتهددني به لو دخلت البيت من غير ما أقلع جزمتي المطينة وهي منضفة الأرض ساعات بتحسسني إني وباء داخل عليهم البيت
ضحك جسار رغما عنه وهو بقول منا عارف بالذات في الأعياد فاكر لما جيت بيتك أول مرة عشان نسهر سهرة العيد وقتها انت وطيت عليا وحذرتني اقلع الشوز بتاعي
قهقهة أشرف وهو يتذكر قلت الحقك قبل ما تتصعق من أختي المچنونة
هدأت ضحكة جسار ثم غمغم بشيء من
الجدية بس تعرف يا أشرف ليلتها أنبسطت اوي وسطيكم حسيت باللي مفتقده في حياتي بالذات ومامتك داخلة
علينا بأطباق الترمس والحمص والكحك والبيتي فور اللي معمول بإيديها ووالدك لما سهر معانا هو وخالك ولعبنا طاولة وكوتشينا
أشرف ومسكنا فيك تفضل لصلاة العيد بس مارضيتش
ده انا كنت ابقا وقتها ضيف رخم لو قعدت على قلبكم ده
كله يا بخت من زار وخفف
ربت علي كتفه برفق أحنا اخوات يا جسار صحيح صداقتنا بدأت في الجامعة وتعتبر مش طويلة بس ربنا يعلم بقيت اخويا وأكتر واستطرد المهم طمني رجعت تشوف ولا لسه
رمشت أهداب جسار وأشرع
عيناه بحذر ثم قال بفرحة مبالغ بها أنا
بقيت شايف يا واد يا أشرف
فال بتهكم مبروك ياعم فاضلك تكة وتصرخ تقول إنها سليمة زي حنظلة في فيلم فجر الإسلام
بطل تريقة وسوق وصلني البيت
خدامك يا سيدي بس ماقولتليش صحيح ايه اللي حصل مع البنت دي وتعرفها منين صيد جديد يامعلم
ليه هرمرم على أخر الزمن عشان اصطاد بت زي دي أنا ولا اعرفها ولا شوفتها قبل كده أصلا
أمال ايه الحوار لما أنت ماتعرفهاش جاتلك ليه يعني مش فاهم
بسلامتها جاية تحذرني اقرب من سارة صاحبتها ولا قريبتها مش عارف
سارة
مين دي
البنت اللي في تانية اللي مازن غلس عليها واستظرف وانا حوشته عنها من وقتها وهي بتعاملني اني هيروا ومعجبة بيا أوي
طب وانت مش عاجباك
صمت برهة ثم همس بشرود طفيف حاسس انها ماتنفعش تكون زيها زي غيرها يا أشرف ومعرفش ايه سبب إحساسي ده شعوري الوحيد اللي بيثيره وجودها وقت ما بشوفها بيكون الحماية بخاف على البنت دي ومابحبش حد من اصحابنا إياهم يقربلها ويضايقها لما ده بيحصل بلاقيني بدون قصد ادخل في النص وابعدها عشان كده البنت عمالة تتعلق بيا أكتر وأنا فعلا مش مخطط لكده ولا في دماغي والله
كلامك غريب أوي
طب مش يمكن بتحبها يا جسار ولسه مش فاهم ده أوقات بتحصل
غمغم بذات الشرود معرفش حقيقي مش فاهم نفسي هي مختلفة ومش عايز حد يأذيها وبس
طيب بما ان أنثي النمر دي حذرتك عشان تبعد عنها
هتعمل ايه معاها هتبعد
ومضت عيناه بغموض ونصف ابتسامة عابثة تتجلي على وجهه وهو يهتف لأ مش هبعد
ولو جت تهددك تاني
وقتها هتسلى! وهتبقى هي اللي جت تاني لحد عندي تتحمل بقي دخولها عرين الأسد
جسار !
توقف مستديرا إليها فدنت يعتريها بعض التوتر صباح الخير
صباح النور يا سارة فينك يا بنتي غايبة عن الجامعة من كام يوم
ابدا كنت تعبانة شوية و
ترددت قبل أن تستطرد وبصراحة كنت مكسوفة اجي اكلمك بعد اللي عملته شمس بنت عمي!
شمس
لفظها داخله بتلذذ
إذا تلك النمرة الشرسة تدعي شمس وابنة عمها أيضا
واصلت سارة مبررة والله يا جسار ما كنت اعرف انها هتيجي هنا وتكلمك و
تلعثمت ولا تدري ماذا تقول فأشفق عليها قائلا
واضح انها فاهمة الموضوع غلط يا سارة فاكرة ان بنا حاجة
عصفت عيناها بحزن لتلميحه أنها لا تحتل لديه المكانة التي تشتهيها بينما يحتل هو كل كيانها وأكثر
فقالت متظاهرة بعدم الفهم
أه تقريبا أنا معرفش ليه فهمت كده وليه اتصرفت بالطريقة دي عموما أنا أسفة على اللي حصل
أومأ لها متفهما ثم دعاها ليتناولا فنجان قهوة
بكافيتريا الجامعة وافقت وأثناء احتسائها تسائل جسار سارة مش عايزك تزعلي من أخر مرة اتكلمنا فيها أنتي بجد غالية علية وماحبش اضايقك أتمنى تقبلي نكون أصدقاء بجد
تجرعت حزنها داخلها وتظاهرت بالمرح
بس انا أصحابي بعمل فيهم مقالب هتتحمل مقالبي
ابتسم لمزاحها وبسط ذراعيه حوله باستسلام قائلا يا أهلا بالمعارك
ضحكت ثم ارتشفا بعضا من قهوتهما ليستطرد يعني هي بنت عمك على كده معانا في الكلية وزيك في سنة تانية
لأ هي في كلية تجارة وفي سنة تالتة
يعني بينكم سنة واحدة
أيوة بس طباعنا مختلفة خالص هي متشددة شوية بس طيبة أوي وقلبها
زي بياض التلج
هي فعلا عڼيفة أوي وعدوانية دي كانت هتعميني
ألف بعد الشړ عليك
قالتها بلهفة صادقة نفذت لقلبه بشكل غريب فقلما ما ينال من أحدهم تلك المشاعر الصادقة سوي من جده الحبيب وحده الذي يحبه
تمتمت لتمحو حماقة لهفتها الواضحة هو انت ليه يا جسار بتتعمد تسقط دي تاني مرة ليك في سنة رابعة مع إنك ذكي تقدر تعدي بسهولة
تعجب من فهمها حيلته بتلك البساطة هو بالفعل يتعمد الرسوب لمن ينجح من يهتم لصالحه ومستقبله
قالت بحرج معلش أسفة لو قولت كلام مالوش لازمة
أسرع بالنفي لا ابدا بالعكس انتي قولتي
الحقيقة يا سارة أنا فعلا بتعمد اسقط
ليه
استبق قوله بتنهيدة لأن محدش منتظر نجاحي
منحته نظرة عطف وهي تقول ليه بس كده مش مامتك وباباك عايشين
الحمد لله
غامت عينه أيوة
يبقي عشانهم لازم تنجحوقبل الكل عشان نفسك حرام تضيع عمرك هدر انت المفروض كنت تبقي معيد ومحقق كيانك
برقت عينه بنظرة إعجاب أخجلتها وأسعدتها بذات الوقت فقال مثنيا على حديثها العقلاني شكلك أنضج من عمرك الحقيقي
طب قول لبنت عمي اللي دايما شايفاني عيلة وهبلة
ابتسم لخفة ظلها سيبك منها بجد كلامك ناضج
وبالنسبة للي قولتيه عندك حق بس
يمكن ناقصني احس بالمسؤلية وان حد يهتم فعلا اني انجح
حب نفسك وشوفها بعيونك وانت هتحس بقيمتك وتنجح وبعدين مش يمكن انت ظالم والدك ووالدتك وفاهم غلط
سارة
التفتت لزميلها الذي قاطعهما ملبية أهلا يا
أدم
رمق الأخر بنظرة غامضة ثم قال صباح الخير يا جسار عامل ايه
الحمد لله اتفضل يا آدم اشرب معانا قهوة
شكرا أنا كنت عايز سارة في حاجة
نهض جسار قائلا ماشي أنا أصلا كنت ماشي عشان أول محاضراتي هتبدأ سلام
ابتعد ليشيعه آدم بنظرة غيرة واضحة وهو يجلس أمامها ويتأملها
مطولا دون وعي لتتنحنح هي
قائلة خير يا أدم كنت عايزني في ايه
أظهر بعض الأوراق المعقوصة بدبوس صغير وتمتم دي المحاضرات اللي فاتتك يا سارة عملتلك منها نسخة
حدجته بامتنان كبير وقالت بجد كلك ذوق مفيش مرة احتاجك إلا أما الاقيك من قبل حتى ما اتكلم كنت لسه هشوف حد واخدهم منه
قال بحمية تليق به حد ليه وانا موجود ثم حاصرها بنظرة دافئة المهم طمنيني عليكي بقيتي كويسة دلوقت
هزت رأسها زي القردة اهو قدامك ماتقلقش
طمني انت أخبارك ايه
الحمد لله بخير
ناوي تشتغل في الأجازة
أيوة طبعا عشان اساعد
نفسي بابا أخره معانا
للثانوية وبعدها لازم ننطلق أخويا الكبير اشتغل وقت الكلية في ورشة لحد ما اتخرج وده فاده جدا لأنه أخد خبرة في ميكانيكا السيارات
افهم من كده إنك هتشتغل في مكتب محامي مثلا
بالظبط وفعلا اتفقت مع مكتب محامي كبير هبدأ معاه
طيب ممتاز انك هتشتغل مع حد كبير كده وتاخد منه خبرة
بصراحة اخويا اللي فادني عن طريق الصدفة لما جاله زبون محامي في نفس المكتب أتوسط ليا وأخدلي معاد وقابلته والدنيا مشيت
ابتسمت له بود أنا مبسوطة عشانك جدا يا أدم انت شاب جد ومكافح وعايز تبني نفسك متهيئلي حتى لو والدك موفرلك كل الإمكانيات
المادية كنت برضو هتمشي طريقك بنفسك
أثلج صدره صورته بعيناها وغمغم بعمق لو تعرفي الكلمتين اللي قولتيهم دول فرحوني ازاي كنتي تاخدي مني فلوس
قهقهت عاليا لدعابته وقالت والله انت بكاش يا آدم يلا بقي نلحق أول محاضرة بدال ما الكلام ياخدنا
رواية صړخة على الطريق
بقلم ډفنا عمر
الفصل الثاني
أتى جسار لتوه من سهرة قضاها وسط رفاقه وگ عادته مل سريعا من كل ما يثرثرون به وكثيرا ما تعجب ذاته لتناقضه الجلي هو بإرادته يغرق وسط عالمهم الفارغ كأنه بصحبتهم يشتت عقله ويلهيه عن تساؤلات كثيرة تؤرقه وتخيفه خوف مبهم لا يعرف منبعه
لكنه راسخ في خبايا روحه يجتاحه حتى في تفاصيل أحلامه حين يغفو ويا ويله لو تسلقت تلك الأحلام جدار واقعه وتحقق ما يخيفه
لم يحتاج للبحث عنه حتما سيجده في مكانه المفضل فذهب إليه وطرق باب مكتبه طرقتان قبل أن يعبر إليه وهو مشتاقا رؤيته وقال
السلام عليكم يا جدي
رفع الأخير عويناته الطبيه بوقار وجسار يقترب إليه ملتقطا كفه ملثما إياه بتقدير فربت الجد نادر علي رأسه وهو يقول وعليكم السلام ورحمة الله وبركاته أخبار ايه يا حبيبي
الحمد لله يا جدي تمام
بعتاب مبطن و دراستك تمام برضو ولا ناوي تسقط السنادي كمان يا
جسار
ابتسم الأخير بحرج لتلميحه بالتقصير وقال أوعدك يا جدي انجح عشان افرحك
غمره الجد بنظرة حانية وغمغم يا ابني انا عايزك تهتم بمستقبلك وتكون ناجح عشانك انت أولا وعشان أنا وابوك وأمك وأخوك نفتخر بيك
رغما عنه ابتسم بمرارة ساخرة انت متأكد ياجدي ان بابا وماما بيفكروا فيا أصلا ده مافيش مرة ينزلوا أجازة غير لما نلح عليهم بقالهم أربع سنين مانزلوش مصر من أخر أجازة وعمر ما حد فيهم قالي ذاكر ولا خد بالك من نفسك كل اهتمامهم بأخويا رائف وبس كأنهم نسيوني في غربتهم
وواصل بنبرة حزينة أظهرت بعضا مما يعاني
محدش بيحبني
غيرك انت يا جدي
انفطر قلب الجد لسماع ما قاله متفهما الفتور الذي ينخر علاقته بوالديه هو ذاته يشتهي عودة أبنه الوحيد بشكل نهائي قبل أن ينفذ أمر الله وقد بلغ من العمر عتيا فلم يبقى له مثل ما مضى ليعيشه ولا يريد رحيلا وروحه تطوق لضمة أبنه الوحيد
تنهد نافضا عنه أفكاره ثم ربت على كتف حفيده ربتة دعم ماتقولش كده وتزعلني منك يا جسار انت
عارف ماما وبابا بيحبوا شغلهم قد ايه واتعودا على العيشة هناك في البلد اللي شغالين فيها واخوك قريب هينزل عشان ياخد جامعته من هنا وتشبعوا من بعض وبعدين أنا أصرت معاك
يا ولد
قبل رأسه ومحبة واحترام جده تحتل قلبه
وروحه متقولش
كده يا جدي
أنا من غيرك ما اسواش حاجة أنت أغلى شخص عندي في الدنيا
جانب وجهه مغمغما بحنان لو فعلا بتعزني وغالي عندك يا جسار اتخرج السنادي من كليتك وفرحني واهو مكتب المحاماه بتاعك جاهز ومنتظرك في أفخم مكان في البلد
أومأ له أوعدك ياجدي هنجح عشان افرحك هكون محامي ناجح وارفع راسك واستطرد قولي بقى اتعشيت ولا لسه
لسه
خلاص هقول لدادا سيدة تحضرلنا عشا وانا هاخد شاور وارجعلك احكيلك عن الموقف اللي حصل معايا الأسبوع اللي فات من أنثي
ال
انتبه جسار أن الكلمة غير لائقة علي مسامعه جده فتراجع مع قوله أنثى عجيبة جت الجامعة
تهاجمني بشكل غريب لدرجة كانت هتعميني
أنزعج الجد صائحا بعد الشړ عليك يا حبيبي ليه حصل ايه عسان تهاجمك
منا هحكيلك يا دوك واحنا
بنتعشي دقايق وراجعلك
بعد تناولهما العشاء سرد عليه جسار الصدام الذي حدث مع تلك الفتاة الشرسة شمس لتصدح قهقهة الجد وهو يقول بإعجاب طب والله عفارم عليها البنت دي عرفت
توقفك عند حدك يا ولد
جيار باستنكار ياجدي بقولك كانت هتعميني بالبتاع اللي رشته على عيني ثم قال ببعض العبث ده انا
كل اللي عملته إني قربت خطوة من وشها عشان اختبر تأثيري عليها مش أكتر
واختبرته يا فالح أهي زي النحلة كانت هتلدغك
وواصل بتوبيخ أسمع يا جسار بعيدا عن الهزار بلاش علاقاتك مع البنات دي بقى يا ابني اتقي الله عشان لما تتجوز في المستقبل ربنا يرزقك ببنت كويسة تشيل أسمك وتصونك
والله بسلي وقتي يا جدي وهما اللي بيتلموا عليا أنا مالي
قرص الجد وجنته بمرح لأنك شاب حليوة وشعرك مسبسب علي جبينك
ضحك وهو يجيبه طب وده ذنبي يا دكتور نادر
لأ لكن مش مبرر لاستهتارك ده أعقل انت هتبقي متر محترم فيما
بعد
نهض جسار مشيرا لطوله بمزاح كل طولي اللي قدامك ده وتقولي متر ياجدي
قهقه له خلاص خليها متر ونص ولا تزعل يلا بطل لماضة ورغي وسبني أطلع أوضتي انام عشان كده سهرت جدت وبكرة عندي عملية مهمة
ماشي يا دوك ربنا يوفقك
اللهم امين تصبح علي خير يا حبيبي
وأنت من أهل الخير ياجدي
صعد لغرفته والنوم يجافيه هم بالاتصال بوالديه ثم توقف بتردد شعور الڠضب منهما نغز قلبه وهو لا يشعرون أن الفجوة بينهم تتضخم كل يوم لا يعرف كيف كان سوف يصبح حاله لولا وجود جده في حياته هو لمسة الحنان والحب
الحقيقية والوحيدة التي تروي أرضه القاحلة المتعطشة لدفء أبويه
أستقر به الأمر بأن هاتف شقيقه رائف واطمئن عليه وبعد مكالمة قصيرة بينهما أغلق معه ثم زفر بقوة واستلقي فوق فراشه وأغمض عينه ليجلب لروحه بعض الاسترخاء والنوم للعجب ودون أي تفسير أقتحم وجه تلك الفتاة الشرسة صفحة خياله بأكملها حتي صارت ملامحها واضحة بشدة حدقتاها السوداء ونظرتها الباردة طريقتها وهي تحدثه بكبرياء وقوة لم يصادفهما قبل بين من عرفهن حاول خياله أن يجملها برتوش من لمسات وهمية ماذا لو اكتحلت وتكثفت أهدابها وضعت أحمر شفاه وحمرة بخديها حتما سيبرز جمالها المختبيء خلف أستار فطاظتها وحدتها ربما لو فعلت تروقه وتستحق
أن !
انقطعت أفكاره وأشرع عيناه سريعا وقد شعر بانجراف غريب وغير مبرر لمشاعره نحوها والتفكير الغريب بها فغمغم لذاته بخفوت هو ده تخريف قبل النوم ولا ايه أحسن حاجة اقوم أكلم الواد أشرف ارغي معاه شوية لحد ما انام
وبهذا الطرح المثالي لعقله تأهب وضغط رقمه
أخترق مداركها صوت الهاتف تناولته ومازالت غائبة عن الوعي ألو مين
صباح الخير يا سارة انتي لسه نايمة يا بنتي في عندنا محاضرات بدري صحصحي واجهزي يلا
انتبهت قليلا لصوت زميلها وغمغمت صباح الخير يا آدم طيب ماشي هقوم اهو
تمام منتظرك بس اوعي تفطري عشان هجيب معايا سندويتشات فول وفلافل
من اللي بتحبيها
هتفت مبتسمة بإدراك أكثر لا ده انا كده هاجي بسرعة
خلاص منتظرك سلام
سلام يا صاحبي
صاح حانقا سارة قولت بلاش كلمة صاحبي دي
مزحت بقولها خلاص ياعم بالراحة عليا خليها صديقي مادام عايزها بالفصحى يا سي أدم
هز رأسه بيأس طب يلا عشان ما تتأخريش
لا ماتقلقش هتقفل تلاقيني وراك
ليه عفريتة
لأ سارة يا خفيف سلام
ابتسم وهو يغلق الهاتف وتمنى أن يجمعه بها رباط العشق الذي يكنه لها يوما من الأيام لا رباط الصداقة والصحوبية التي لا يعترف بها في
عرفه بين الشاب والفتاة
هي تمثل له مكانة أكثر أهمية من هذا
وليتها تدري ان هذا سبب حنقه حين تخاطبه صاحبي تنهد ونهض ليستعد هو الأخر للمغادرة
بشهية واضحة راقبها وهي تلتهم قطعة خبز محشو فلافل وتغمغم طعمها تحفة يا آدم
التسم بمسحة حنا رغم مزاحه بألف هنا افتكري الجمايل وإن خيري عليكي
أنت هتعايزني طب منا بعزمك على كابيتشينو
أيوة بأمارة ما بدفع أنا في الأخر
ضحكت مع قولها لأن أنت اللي بتصمم وتقولي انا راجل ولازم ادفع بس أنا ماليش دعوة أنا نيتي بتكون اني اعزمك
وادفع
قال ساخرا والنية أهم طبعا
واستطرد ببعض
الجدية المهم صالحتي شمس لا لسه زعلانين مع بعض
يا ابني انا وبنت عمي ما بنتخاصمش أكتر من يوم
طب مش هتقوليلي زعلتوا ليه أصلا
أبعدت الشطيرة عن يدها بلمحة حزن وتذكرت سبب اختلافهما وهمست لأنها ساعات مش بتفهمني يا أدن شمس بتعامليني علي اني لسه صغيرة مع إن الفرق بينا سنة واحدة لكن بتحسسني انها أمي واني دايما مش عارفة مصلحتي وانها أعلم مني وده شياربيستفزني جدا في علاقتنا
ماتنكريش ان شمس فعلا ناضحة وعاقلة كتير وبعدين هي بتحبك وپتخاف عليكي يا سارة
عارفة والله ومعنديش شك في ده عشان كده تاني
يوم صالحتها
واتفقنا علي تظبيط يوم عيد ميلادي الأسبوع الجاي ثم تسرب إليها الحماس أنا هعمل حفلة لكل أصحابي في النادي تغيير عن حفلة البيت زي السنة اللي فاتت ايه رأيك يا أدم
أومأ ببساطة هي فكرة مش بطالة وهتعزمي مين
يعني أصدقائي اللي انت عارفهم وولاد عمي أخوات شمس وماما وبابا وعمو وأنت طبعا أساسي
يا آدم
رمقها بنظرة شاردة قبل أن يتسائل بترقب وجسار
تجرعت ريقها ببعض التوتر ولا تدري حقا هل تدعوه وتتحمل زوبعة خصام ولوم وتقريع جديدة من شمس أم تتغاضي عن ذلك
مش عارفة المرة اللي فاتت اعتذر ممكن اجرب واعزمه من
باب الذوق يعني
أومأ لها محبطا وقد تمني ألا تفعل لكن لا سلطان له عليها ولا يقدر علي منعها
قاطعت شروده القصير وقالتأبقى جيب معاك اخوك الصغير رامي كمان يحضر عيد ميلادي
إن شاء الله يا سارة وكل سنة وانتي طيبة
وانت طيب يا أدم يلا بينا بقى عشان المحاضرة هتبدأ
يلا بينا بس بعد المحاضرات تعزميني على كابيتسينو أنا فطرتك بلاش ڼصب
قهقت وهي تسير جواره أنسي ازاي وانت في الحالتين هتدفع
تعجب وهو يلقي تساؤله ليه وافقت تروح عيد الميلاد الأفضل مادام البنت متعلقة بيك تبعد عشان مشاعرها ما تكبرش ناحيتك
مقدرتش أكسفها يا أشرف بعد ما شوفت في عيونها رجاء هزني لقيتني بوعدها احضر وكمان قولتلها انك هتكون معايا
صاح باستنكار كمان طب وأنا دوري ايه في الموضوع ده ولا عايز تدبسني وخلاص في هدية لبنت الأكابر وتخرب بيتي يا بارد !
لكز كتفه صائحا ياعم أهدي علي نفسك شوية أنا هجيب الهدايا وانت بس تعالي بصراحة حبيت يكون حد معايا لأن معرفش هلاقي حد اندمج معاه هناك ولا لأ
واخدني اسليك يعني!
ماتبقاش بايخ بقي يا أشرف هتخسر ايه لو جيت معايا وبجد مش حابب أكون لوحدي
تنهد مرغما بقوله أمري لله يا قدري هاجي معاك يا سارق قلوب العذارى
جسار بتهكم أنا ما سـ,ـرقتش حاجة يا اخويا هما اللي قلوبهم متاحة للسړقة طول الوقت
وأنت حنين مابتكسفش حد
