ليا عشان اكلمها فلو سمحت بلغها
( فهم عزت انه يود ان يتكلم معها وترجع عن موافقتها على ادم ويطلبها هو لزواج فقال لنفسه..هو من حقه يكلمها وهي من حقها تقبل او ترفض وينتهي الموضوع)
عزت..حاضر يا بني لحظة واحدة
( اما زينب مستغربة من موقف معتز ما كانت امامه وهي كانت ملاحظة تصرفات نسرين معه وملاحظة ايضا انه كان لايشعر بها وهي كي أم حتى وان كانت قاسية فهي تود لأبنتها الافضل وهي ترى ان ادم افضل لانه شاب لم يسبق له الزواج وهذا لا يعني انها كرهت معتز فهو مثل اولادها ولكن هذا هو العدل وهي
ايضا رأت فرحة نسرين عندما عرفت ان العريس هو ادم صاحب المكتب وهذا يعني انها تشعر تجاهه بشئ ما
فدعت من قلبها..ربنا يهديك يا معتز وماتخربش الدنيا)
……………….
في غرفة نسرين
اكملت نسرين صلاتها ودعت ربها كثيرا وشكرته وحمدته على فضله ونعمه سمعت صوت طرقات على الباب فقالت..ادخل
دخل عزت بأبتسامة حنونة ..صباح الورد على ست العرايس
نسرين بأبتسامة ووجه مثل البدر تزينه حمرة الخجل…صباح الفل على احلى بابا في الدنيا واقتربت منه واحتضنته ربنا يخليك ليا يارب
ربط على رأسها ..ويخليكي ليا حبيبتي انا عايز اطلب منك طلب
نسرين..انت تؤمر نعم
عزت..شوفي يابنتي معتز ابن عمك برا هو عرف ان في عريس متقدم لك وانا سمعته من شوية جيه واتكلم مع امك ومشي لكن بعدها بشوية لاقيته جاي تاني وعايز يتكلم معاكي(
ارادت نسرين ان ترفض فهي لاتريد سماعه ولا معرفة ماذا يريد) معلش ياحبيبتي اسمعيه وشوفي هو عايز يقول ايه عشان مايجيش يوم تندمي وتقولي يارتني سمعت هو كان عايز ايه واللي انتي شايفها صح اعمليه وانا معاكي ماتخافيش انا اهم حاجة عندي مصلحتك وسعادتك فاهمة
هزت نسرين رأسها بإجاب..فاهمة بس حضرتك تكون قاعد معنا
عزت..مش هينفع لان كدا بأحرجه ومش هيقول كل اللي عنده اسمعيه للاخر عشان الموضوع ينتهي واعتبريها رؤية شرعية انتو في الصالة وانا هكون في البلكونة وعيني معاكم واي حاجة غلط انا هدخل قولتي ايه
نسرين بتوتر..مش عارفة يابابا بس حاضر عشان خاطرك هلبس واجي
وراك على طول فهي تلبس ملابس البيت
خرج عزت وجد معتز يجلس متوتر بفرك يداه
عزت..شوية بس يا معتز هي جاية حالا
معتز..على مهلها ياعمي
عزت بصوت عالي..حضري الفطار ياام احمد
وذهب الى البلكونة
زينب من المطبخ بصوت واطي..فطار ايه بس مش لما نعرف عايز البت فأيه لكن قالت بصوت عالي..حاضر يا خويا شوية بس ويكون جاهز
خرجت نسرين من غرفتها تنظر ارضا وصلت عند معتز
نسرين دون اي تعبير على وجهها..السلام عليكم وجلست بعيدة عنه
معتز..وعليكم السلام
نسرين بجدية ..نعم بابا قالي انك عايز تتكلم معايا اتفضل
( كم
كانت طريقتها جافة مما زاد توتره لكنه اصر أن يكلمها ويفهم منها كيف تغيرت من ناحيته يالهو من عدل ان تتغير الاوضاع ويصبح الضعيف قوي ويصبح القوي ضعيف كم مرة كلمها بنفس جفائها الان كم مرة تعامل معها ببرود كم مرة استهان بمشاعرها كم مرة حاولت التقرب منه وهو يصدها مرت ثواني وكأنها دهر لايستطيع الكلام وكأن الكلمات هربت من على لسانه)
نسرين ..لوسمحت تقدر تتكلم اتفضل
معتز بلع لعابه بصعوبة فطريقتها توتره قال بصوت متحشرج..نسرين انا عايز اعرف ايه اللي غيرك من ناحيتي
شعرت نسرين بالغضب من نفسها فهي من وضعت نفسها بهذا الموقف السخيف هي من
عرضت عليه مشاعرها وهو كان لايشعر بها ويصدها والان يطالب بهذه المشاعر ويريدها
نسرين بأحراج..انا متغيرتش ولا حاجة انت ابن وزي احمد بالضبط وهتفضل كدا عمري كله لحد ما اموت احنا متربين مع بعض انا بس بقى فيه تحفظ بس في التعامل و دا لانك مش من المحارم بس هو دا اللي اتغير
معتز يفهم انها تحاول التهرب من الاجابة على سؤاله..انتي فاهمة قصدي كويس بلاش تدخلي التزامك في الموضوع انا عارف كويس انك بت…..
لم يكمل كلامه
قاطعته نسرين عقدت حاجبيها بغضب وقالت بحدة..لو سمحت الموضوع دا انتهى بالنسبة ليا من زمان من سنين من قبل حتى جوازك بداليا بكتير اوي انا فهمت نفسي كويس وفهمت اني كنت صغيرة وطايشة وشعوري دا كان بسبب العشرة والتعود وانك دايما قدامي مش اكتر ودا اللي صورهولي عقلي
معتز اتسعت عيناه بغضب من كلامها يرمقها بنظرات نارية وقال بعصبية..يعني خلاص مش عايزاني عشان عقلك كان مصورلك انك بتحبيني وخلاص كبرتي وعقلتي ولا عشان البيه اللي متقدم لك اغنى واحلى مني اكيد هيكون حبك ليا وهم
صدمت نسرين من كلامه كيف يفكر فيها بهذه البشاعة وانها
تجري وراء المال والشكل لما هو مصر على جرحها سابقا والان ماذا يريد منها هي لاتفهم كادت دموعها ان تنزل لكنها سيطرت على نفسها فهي الان في الموقف القوي وليس الضعيف مثل السابق
اخذت نفس عميق تحاول السيطرة على نفسها فهي بعد كلماته تسارعت دقات قلبها وعلى صوت انفاسها من شدة غضبها منه..انت ازاي تفكر اني ممكن اكون كدا وبعدين انت عايز مني ايه بالضبط
معتز بهدوء ..عايز اتجوزك انتي بنت عمي وانا اولى بيكي
نسرين اتسعت عيناها بذهول ومطت جانب شفتيها بأبتسامة ساخرة ..ياسلام بنت عمك وزمان كنت ايه ولو مراتك موجودة دلوقتي معاك كنت بردو هفضل
